Mea na Faamamafa Mai mai le Konafesi Aoao Faaleafatausaga Lona 191

E suia i tatou pe a tatou faaaogaina upumoni o le talalelei tatou te aoaoina. Sa faasoa mai e Peresitene Russell M. Nelson se savali faigofie ae anoa e tatala ma tapunia ai le konafesi aoao.

“O le aoaoga faavae autu a Keriso e mamana,” na ia saunoa ai i le taimi o lana saunoaga amata. “E suia ai le olaga o tagata uma e malamalama i ai ma saili e faatino i lona olaga.” O le aso na sosoo ai, i lana saunoaga faaiu, sa ia fai mai ai: “Ua lelei le aoaoina o i tatou. … O le fesili la, o le a faapefea ona ese i tatou ona o mea sa tatou faalogo i ai ma lagonaina?”

Faatasi ai ma le tele o lesona taua na aoaoina i lenei konafesi aoao:

Ua tatou aoaoina ua oo i le taimi e faatino ai ni fuataga tulaga ese e faamalolosia ai o tatou faavae faaleagaga patino (tagai i le saunoaga a Peresitene Nelson i le itulau 93).
Sa tatou aoao e uiga i le taua o le avea ma soo faapea foi lona faigofie (tagai i le saunoaga a Peresitene M. Russell Ballard i le itulau 51, Elder Dieter F. Uchtdorf i le itulau 77, ma Elder Gary E. Stevenson i le itulau e 47).
Sa tatou aoaoina le mafuaaga tatou te manaomia ai le Ekalesia ma e tele mea e mafai ona tatou faia e faamanuia ai isi pe a tatou galulue faatasi (tagai i le saunoaga a Peresitene Dallin H. Oaks i le itulau 24, Epikopo L. Todd Budge i le itulau e 100, Bonnie H. Cordon i le itulau e 10, ma Sharon Eubank i le itulau e 53).
Sa tatou aoaoina o le alofa i le Atua e mafai ona fesoasoani ia i tatou e faatoilalo ai fevaevaeaiga e taofia ai i tatou mai le avea ma se tasi (tagai i le saunoaga a Elder Jeffrey R. Holland i le itulau e 8, Elder D. Todd Christofferson i le itulau e 16, ma Elder Dale G. Renlund i le itulau e 83).
Sa tatou aoaoina e mafai ona matou valaauliaina faaaliga i o tatou olaga e ala i le gauai atu i le finagalo o le Alii ma o le i ai ma le faia o fesili ia e le o i ai ni a tatou tali e taliaina (tagai i le saunoaga a Peresitene Henry B. Eyring i le itulau e 74, Camille N. Johnson i le itulau e 80, ma Susan H. Porter i le itulau e 33).

O le a se mea na e faalogoina? O le a se mea na e lagonaina? O le a faapefea ona e faaaogaina i lou olaga le upumoni mamā, aoaoga faavae autu mamā, ma faaaliga mamā a‘ia’i o le a e mauaina a o faaauau pea ona e suesue i savali o le konafesi aoao?