Faaauau Pea le Alualu i Luma o Malumalu Fou

A o faaleleia tulaga o le faama‘i oti i le lotoifale, ua toe amata foi ona agai i luma malumalu ma maimoaga ma faapaiaga e fesootai i ai. O loo faaauau pea le toe tatalaina o vaega o malumalu, fetuunai pe a manaomia e tusa ai ma tulaga i le lotoifale.

Ua faagasolo maimoaga mo le malumalu i Winnipeg, Manitoba, Kanata, lea o le a faapaiaina i le aso 31 o Oketopa, 2021, ma mo le malumalu i Pocatello, Idaho, ISA, lea o le a faapaiaina i le aso 7 Novema, 2021.

Sa faapaiaina le Nofoaga Autu fou mo Tagata Asiasi mai i le Malumalu o Mesa Arisona ia Aokuso 2021, ma o maimoaga mo le malumalu o le a amata mai le aso 16 o Oketopa e oo atu i le aso 20 Novema, faatasi ai ma le toe faapaiaga na faia i le aso 12 o Tesema.

Sa faapaiaina se itu faasolopito o le Malumalu o Navu ua toe faafouina i Ilinoi, ISA, faatasi ai ma ni vaega faaopoopo ina ia faaopoopo i ai i se taimi mulimuli ane.

Ua faatulagaina maimoaga mo le malumalu i Uosigitone, D.C., ISA, a o lei toe faapaiaina i le aso 19 Iuni, 2022.

Ia Me o lenei tausaga, sa fofogaina mai ai se malumalu mo Efaraima, Iuta, ISA, ma le suatiaina o eleele mo malumalu i Salvador, Pasila; Nairobi, Kenya; Phnom Penh, Kemupotia; Neiafu, Toga; ma Tallahassee, Florida; Tooele, Iuta; Syracuse, Iuta; Helena, Montana; ma Pittsburgh, Penisilevania, ISA.

Ina ua mavae le konafesi aoao, sa suatiaina le eleele i le aso 9 o Oketopa, 2021, mo le malumalu i Casper, Wyoming, ISA, ma i le aso 30 o Oketopa, 2021, mo le malumalu i Pago Pago, Amerika Samoa.

O loo faaauau pea faafouga mo malumalu i Hamilton, Niu Sila; Hong Kong, Saina; Tokyo, Iapani; Columbus, Ohaio, ISA; ma Manti, Aai o Sate Leki, ma St. George, Iuta, ISA.

O loo faaauau pea le fausiaina o malumalu faaopoopo e 40 i le salafa o le lalolagi.