Ua Faateleina Avanoa mo Faifeautalai mo Auaunaga

Ua maua nei avanoa mo misiona mo auaunaga mo tagata matutua o le Ekalesia i soo se mea i le lalolagi. O tofiga sinia mo misiona mo auaunaga sa na o le Iunaite Setete, Kanata, ma se aofaiga faatapulaa o isi eria na maua ai muamua. O faifeautalai mo auaunaga e nonofo i le fale ma auauna atu mo le 8 i le 40 itula i le vaiaso mo le le itiiti ifo ma le ono masina. E faaauau pea ona avea lo latou peresitene o le siteki i le lotoifale ma o latou taitai faalelotu.

E uunaia pea tagata matutua ina ia auauna atu i ni misiona talai e mamao ese mai le aiga pe a faatagaina ai e o latou tulaga.

O i latou e fiafia e auauna atu o se faifeautalai matua po o se faifeautalai matua mo auaunaga e mafai ona talosaga i le SeniorMissionary.ChurchofJesusChrist.org (e maua i le gagana Peretania, Farani, Sipaniolo, ma le Potukale).