Polokalama Fou mo Pepa Faataga o le Malumalu

E amata atu i le aso 25 Oketopa, 2021, o le a tuuina atu e taitai i siteki ua filifilia ia pepa faataga o le malumalu—sei vagana ai pepa faataga mo sauniga mo e o soifua—e faaaoga ai Punaoa mo Taitai ma Failautusi (PTF) e lolomi ai pepa faataga. E mafai e taitai perisitua ona faaaoga se saini faaeletonika i nei pepa faataga, pe e mafai foi ona latou sainia le pepa faataga e pei ona faia i le taimi nei.

O le faaaogaina o saini faaeletonika o le auala sili lea ona malupuipuia mo le tuuina atu o pepa faataga o le malumalu, ma i nofoaga e mafai ai, e tatau ona faaaoga saini faaeletonika. Ua faamoemoe taitai o le Ekalesia e oo atu i le aso 13 Tesema, 2021, o le a faaaoga e iunite uma o le Ekalesia le PTF.

Ma le isi, ua toefaafouina le mamanu o le pepa faataga lea e faaaoga e tagata o le Ekalesia e le’i mauaina faaeega paia e auai ai i papatisoga ma faamauga sui. O le a le toe faaaogaina le “pepa faataga o le malumalu e tapulaa le faaaogaina”.

O tagata o le Ekalesia sa tuuina atu i ai se pepa faataga i le mamanu tuai e mafai lava ona faaaoga pea lena pepa faataga se’ia oo ina mae’a le aoga.