“Tūpilini, Lepāpulika ʻo ʻAilaní,” Liahona, ʻEpeleli 2022.
ʻOku ʻi Heni ʻa e Siasí
Tūpilini, Lepāpulika ʻo ʻAilaní
Toʻohemá: laʻitā mei he Adobe Stock
Ko e tafe ʻa e vaitafe Lifi ʻi Tūpiliní ʻi heʻene huʻunga ki he Tahi ʻAilani. Kuo ʻi Tūpilini e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní talu mei he 1850, pea naʻe fokotuʻu ʻa e fuofua siteiki ʻi he Lepāpulika ʻo ʻAilaní ʻi Tūpilini ʻi he 1995. ʻI he ʻaho ní, ʻoku maʻu ʻe he Siasí ʻi he fonuá ni ha:
-
(fakafuofua ki ha) kāingalotu ʻe 4,000
-
siteiki ʻe 1, misiona ʻe 1 mo ha haʻofanga lotu ʻe 13
-
senitā hisitōlia fakafāmili ʻe 3
ʻOku Fakatahaʻi ʻe he Lotú ʻa e Ngaahi Fāmilí
ʻI he kolo ko Limelikí, ʻoku kau fakataha ai ʻa Tomi Keli, mo hono ʻilamutu ko ʻEmá, mo e kau mēmipa kehe ʻo e fāmilí ʻi he lotú. ʻOku pehē ʻe Tomi, “ʻOku ongoʻi uouangataha ange maʻu pē homau fāmilí ʻi he taimi ʻoku mau lotu fakataha aí.”