2023
Mau peu hunara’a a te ’āti Iuda
Māti 2023

« Mau peu hunara’a a te ’āti Iuda », Liahona, Mati 2023.

Mau peu hunara’a a te ’āti Iuda

E mau tuahine ’e e taea’e Lazaro, Mareta ’e ’o Maria tei ora nā i roto i te ’oire nō Petani. E mau hoa rātou nō te Fa’aora, ’e ’ua haere ’oia e fārerei ia rātou e rave rahi taime. I te hō’ē taime i roto i tāna tāvinira’a, ’ua fa’aru’e atu Iesu ia Iudea, tei te reira vāhi o Petani, nō te mea tē hina’aro nei te mau ’āti Iuda i taua vāhi ra e taparahi pohe iāna (hi’o Ioane 10:39–40). I te taime ’aita Iesu i reira, ’ua ma’ihia Lazaro, ’ua pohe ’e ’ua hunahia mai te au i te peu a te ’āti Iuda (hi’o Ioane 11:1–17).

Pāpū roa ’o teie te tahi o te mau peu tā rātou e rave i te pohera’a ’e te hunara’a ’o Lazaro.

Hōho’a
e pape e nīni’ihia i ni’a i te rima

I muri a’e i te pohera’a taua ta’ata ra, e tāpirihia tōna nā mata. ’Ua horoihia te tino i te mau rā’au no’ano’a mai te nard, te mura ’e te aloe (hi’o Luka 23:56 ; Ioane 19:38–40).

Fa’ahōho’ara’a nā Noah Regan

Hōho’a
mau ta’ata e ti’a ra i pīha’i iho i te hō’ē tino tei pū’ohuhia i roto i te ’ahu

E pū’ohuhia te tino i roto i te ’ahu ’e e hōpoihia i te fare o te ’utuāfare, i reira te mau fēti’i ’e te mau ta’ata tāpiri mai e nehenehe ai e haere e fārerei iāna (hi’o Te ’Ohipa 9:37).

Hōho’a
e tino e amohia ra i ni’a i te hō’ē ro’i

Mātarohia ē, i roto e va’u hora i muri a’e i te pohera’a, e hopoihia te tino i te hō’ē mēnema nā ni’a i te hō’ē ro’i, ’ia nehenehe i te mau ta’ata ato’a ’ia ’ite i te tino (hi’o Luka 7:12–14). Mau vahine e arata’i ra i te tere hunara’a ma’i. ’Ua tūmutumutu te mau melo o te ’utuāfare i tō rātou ’ahu ’ei tāpa’o nō te ’otora’a.

Hōho’a
vahine e tomo ra i roto i te hō’ē mēnema matara

’Ua ’ōhia te tahi mau mēnema i roto i te ’ōfa’i (hi’o Mataio 27:58–60). E mea ha’iha’i roa te mau ’ūputa mēnema ’e e tītauhia i te ta’ata ’ia pi’o i raro nō te tomo i roto.

Hōho’a
e tino e tārava ra i ni’a i te hō’ē pārahira’a ’ōfa’i i roto i te hō’ē mēnema

’Ua tu’uhia te tino i ni’a i te hō’ē pārahira’a ’ōfa’i taraihia. E tāpo’ihia te mēnema i te hō’ē ’ōfa’i rahi menemene nō te pāruru i te feiā ’eiā ’aore rā i te mau ’ānimara ’ia tomo i roto.1

I muri a’e i tō Iesu fa’ati’ara’a mai ia Lazaro mai te pohe mai, ’ua roa’a i tāna mau pipi te hō’ē tumu pūai nō te ti’aturi, ’eiaha rā te ’oto-noa-ra’a nō te mo’era’a te hō’ē tei herehia. E’ita e ti’a ia rātou ’ia huna ē, maoti Iesu Mesia, « ’ia ’ere tō te pohe rē, ’ia ’ore ho’i tō hade e tara » (Mosia 16:7).

Fa’ata’ara’a

  1. Hi’o Henri Daniel-Rops, Te orara’a tāmahana i Paratetina i te ’anotau o te Mesia (trans. Patrick O’Brian, 1962), 328–33 ; hi’o ato’a Fa’atoro parau Bibilia, « Hunara’a ».