« E aha te aura’a nō te parau, ha’amo’a i te mahana sābati ? », Liahona, Māti 2023.
Mai, pe’e mai
E aha te aura’a nō te parau, ha’amo’a i te mahana sābati ?
Nā roto i te fa’a’apu tō, nā W. Paget © Providence Collection / parau fa’ati’a nā Goodsalt.com
Tē fa’ati’a nei te peresideni Russell M. Nelson nāhea ’oia, i tōna ’āpīra’a, i te tuatāpapara’a i te mau tāpura o te mau ’ohipa e rave ’aore rā ’eiaha e rave i te sābati. I muri a’e, ’ua ha’api’i mai ’oia nā roto mai i te mau pāpa’ira’a mo’a ē, tāna mau ’ohipa ’e tāna peu i te sābati, ’ua riro ïa ’ei tāpa’o i rotopū iāna ’e i te Metua i te ao ra (hi’o Exodo 31:13).
’Ua parau ’oia : « Nā roto i taua hāro’aro’ara’a ra, ’aita vau i hina’aro fa’ahou i te mau tāpura nō te mau ’ohipa e rave ’e ’eiaha e rave. ’Ia tītau-ana’e-hia iā’u ’ia rave i te hō’ē fa’aotira’a nō te hō’ē ’ātivite i te sābati, e mea tano ānei ’aore rā e ’ere i te mea tano, e ui ’ōhie noa vau iā’u iho, e aha te tāpa’o tā’u e hina’aro e hōro’a i te Atua ?’ » (« Te sābati e mahana hina’arohia », Liahona, Mē 2015, 130 ; ha’afaufa’ara’a i te mātāmua).
’Ātivite
’A tai’o i te mau ha’api’ira’a a te Mesia nō ni’a i te mahana sābati i roto i te Mataio 12:1–13 ; hi’o ato’a Isaia 58:13 ’e Te Ha’api’ira’a Tumu ’e te mau Fafaura’a 59:9–13. ’A fa’a’ī i te tāpura i te mau parau tumu o te ha’api’ira’a tumu tā ’outou e ’ite mai i roto i teie mau ha’api’ira’a. ’Ei ’utuāfare, ’a ’āparau i te mau rāve’a e nehenehe ai ’outou e fa’a’ohipa i teie mau ha’api’ira’a i teie mahana. E nehenehe ’outou e pāpa’i i tō ’outou mau mana’o i roto i te ’āna’ira’a « Fa’a’ohipara’a i teie tau ».
|
Te mau ha’api’ira’a a Iesu |
Te fa’a’ohipara’a i teie tau |