“E Mafai Faapefea Ona Ou Liua Atili i le Talalelei?” Liahona, Aok. 2023.
Sau, Mulimuli Mai ia te A’u
E Mafai Faapefea Ona Ou Liua Atili i le Talalelei?
I le tusi a Roma, o loo aoao mai ai e le Aposetolo o Paulo e faapea o le liua e manaomia ai le sili atu nai lo le na o le talitonu. E tatau ona tatou galulue i le faatuatua ma salamo ia tatou agasala ina ia suia ai o tatou natura ma liua ai i le talalelei a Iesu Keriso.
O Auala e Tolu e Faamalosia ai Lou Liua
Faasoa atu lou faatuatua i isi. E pei lava o le aoao atu o se manatu faavae e mafai ona fesoasoani e te malamalama atili ai, o le faasoa atu o lau molimau i le talalelei i isi e mafai ona fesoasoani e fausia ai lou lava faatuatua. O le a se auala se tasi e mafai ona e faaalia ai e te “le ma i le talalelei a Keriso” (Roma 1:16)?
Ata pue o se ulugalii i luma o le Malumalu o Laie Hawaii
Mafaufau loloto i uiga o au faatinoga. Ua aoao mai Paulo o a tatou amioga e tatau ona atagia mai ai lo tatou tulaga o le liua atoatoa (tagai Roma 2:21–23, 28–29). E mafai faapefea ona e faia foliga vaaia o le faatuatua—e pei o le tagofia o le faamanatuga, auauna atu i isi, po o le auai i le malumalu—e sili atu ona anoa?
Manatua au feagaiga o le papatisoga. Ina ua papatisoina oe, sa e osifeagaiga e salamo i au agasala e ala i le Togiola a Keriso (tagai Roma 6:4–6). Atonu e te le lagonaina se liua malosi i le talalelei i le taimi nei, ae o aso uma o se avanoa e faafou ai lau feagaiga ma le Atua ma avea atili ai e faapei o Ia. E mafai faapefea ona e faaali atu i le Alii e te manao ia liua i Lana talalelei?