O Le A le Uiga o le Tala a Paulo o “le Agaga o Tamafai”?

Ata

o se vaega o tagata i aso anamua o loo talanoa faatasi

O Se Aiga o Loo Faasoa, saunia e Dick Wahl, © Lifeway Collection / licensed from GoodSalt.com

I le avea ai ma fanau a le Atua, ua i ai so tatou natura paia, ae ua tatou fananau mai i se lalolagi pau. Ua faatagataotauaina i tatou i le agasala. Ua ta’ua e le Aposetolo o Paulo lenei mea o “le agaga o le pologa” (Roma 8:15). Ma le alofa mutimutivale, ua saunia ai e le Atua se auala e sao mai ai. A tatou osia feagaiga ma Ia, e faasaolotoina i tatou mai le agaga o le pologa ma maua “le Agaga o tamafai” (Roma 8:15).

O Le Agaga o Tamafai

I ona po o Paulo, o le tamafai sa faasino atu i le faaigoaina o se tasi i fafo atu o le aiga e fai ma suli. Ona auai lea o le tamafai i le aiga fou, tauave se igoa fou, ma maua ai se tofi.

Ua faaaoga e Paulo le fasifuaitau o “le Agaga o tamafai” o se talafaatusa mo le nuu o le feagaiga a le Atua. A tatou osia feagaiga ma le Atua, tatou te tauaveina le suafa o Keriso. E ala i a tatou feagaiga, ua avea ai i tatou ma tagata sili atu nai lo Ana fanau. Tatou te maua le “Agaga o tamafai” ma avea ma Ona suli. Afai tatou te tumau i le agavaa, o le a tatou mautofi i mea uma ua i ai i le Atua (tagai Mataupu Faavae ma Feagaiga 84:38).