O Le Mea e Tatau ona Tatou I Ai

Ata

placeholder altText

Ata na tusia e Brian Call

Na foliga mai na mananao tagata uma i se fale o le taumafanafana i le sone susu i le gataifale o Ilo, Peru, o lea na tele ai lava faitotoa ma te tu’itu’i ai i taimi uma ma la’u soa faifeautalai. O le tele o a ma fesootaiga i faitotoa na tupu i totonu o laina fale fogafale tolu mautotogi e ta’i 12 potu. Sa faigofie lava ona leiloloa ai.

I se tasi po sa ma fuafua ai e asiasi i se tamaitai sa ma feiloai i ai. Sa matou mauaina lona fogafale ma le numera o le fale mautotogi, ae sa ma sese i le fale mautotogi sa luga atu mai ia te ia. Sa ma tu’itu’i, ma ina ua tatala e se alii talavou le faitotoa, sa ma iloa ai ua ma o i le fale sese.

Ae a o lei mafai ona ma faamatalaina la ma mea sese, sa fai mai le alii talavou, ’Oi, elders, ua ou fiafia e vaai ia oulua. Sa alu lo’u tinamatua i le faleoloa, ae e tatau ona toe foi mai i se taimi vave. Susū mai i totonu.”

Faatasi ai ma foliga le mautonu, sa ma ulu atu ai ma saofafai i luga o le nofoa. Ina ua taunuu mai le tinamatua i ni nai minute mulimuli ane, sa fiafia o ia e vaai mai ia i ma”ua.

Sa ma le mautonu pea, ma fesili pe na faapefea ona ia iloa faifeautalai. Sa ia faamatala mai sa la aoaoina o ia i le lua tausaga talu ai, ae ina ua pisi tele ana fuafuaga fai, sa la le toe asiasi atu.

O le po faapitoa na ma o atu i ai, sa ia lagonaina le le tauaogaina. O le vaiaso atoa sa faigata ia te ia. Sa matua galue malosi o ia ma lelava ma lagonaina e leai se mea sa ia faia na taua moni. Ona ma oo atu lea, ua faafiafiaina lona aso, ma tuu atu ia te ia se avanoa lona lua i le talalelei e tuuina atu ai le faamoemoe ia Iesu Keriso. O le ma asiasiga sa lei faamoemoeina o le faailoga lea a le Atua ia te ia e taua o ia ia te Ia.

Sa ma o atu i le fale mautotogi sese, ae o le mea moni sa ma i ai tonu lava i le mea sa manaomia ona ma i ai. O le leiloa o lo matou ala na matou toe maua ai lenei afafine o le Atua. E ala i lo ma le atoatoa i le faatautaiga, na taitai atu ai i ma’ua e le Atua ia te ia.

Ina ua ma o ese, sa ma mauaina le fafine sa ma fuafua e asiasi i ai. Na te lei iloaina ua ma tuai atu. Ou te mafaufau i le mea semanu e tupu pe ana ma maua le fale mautotogi sa’o mai le amataga.

Ana ma o i le mea sa ma fuafuaina, semanu ma te misia se avanoa sa matua manaomia e faasoa atu ai le alofa o le Faaola. Ae sa galue le Atua e ala i o ma le atoatoa e faasino mai ai i ma’ua i le mea sa Ia manaomia ona ma ui ai. Ou te faafetai na Ia faatagaina i ma’ua ia leiloloa ina ia mafai ai ona maua le tagata o loo manaomia le taitaiga.