Ngaahi Tohi ʻa e ʻAposetolo ko Paulá

Ki he kāingalotu ʻo e Siasí ʻi ʻEfesoó (ko ha kolo ʻi Toake he ʻahó ni)

Tohi mei Loma ʻi he AD 60–62 nai

Taumuʻá: Ke akoʻi ʻa e kau uluí, poupouʻi ʻa e uouangatahá, mo fakalotolahiʻi ʻa e Kāingalotú ke nau vilitaki atu ʻi hono fakafepakiʻi ʻo e koví

Ngaahi akonaki mahuʻingá: Ko e kuonga ʻo e kakato ʻo e ngaahi kuongá, fakamoʻui ʻi he ʻaloʻofa, ko e fokotuʻutuʻu mo e taumuʻa ʻo e Siasí, mo e maau ʻi he moʻui fakafāmilí

Ki he kāingalotu ʻo e Siasí ʻi Filipaí (ko ha kolo ʻi Kalisi he ʻahó ni)

Tohi mei Loma ʻi he AD 60–62 nai

Taumuʻá: Ke fakahīkihikiʻi ʻa e Kāingalotú ʻi heʻenau tuí mo e feilaulaú pea mo fakatokanga ki he kau Kalisitiane faihalá

Ngaahi akonaki mahuʻingá: Ngaahi tefitoʻi moʻoni ʻo e moʻui māʻoniʻoní, fekumi kia Kalaisi ki he fakamoʻuí, pea mo e feilaulau ki he ngāue ʻo e ongoongoleleí

Ki he kāingalotu ʻo e Siasí ʻi Kolosé (ko ha kolo ʻi Toake he ʻahó ni)

Tohi mei Loma ʻi he AD 60–62 nai

Taumuʻá: Ke fakatokanga ki he hīkisiá mo fakamamafaʻi ʻoku fou mai ʻa e huhuʻí ʻia Kalaisi

Ngaahi akonaki mahuʻingá: Ko e natula ʻo Kalaisí, langa ha fakavaʻe ʻiate Ia, mo hono fakatupulaki ʻo e ngaahi ʻulungaanga faka-Kalaisí

Ki he kāingalotu ʻo e Siasí ʻi Tesaloniká (ko ha kolo ʻi Kalisi ʻhe ʻahó ni)

Tohi mei Kolinitō (ko ha kolo ʻi Kalisi he ʻahó ni) ʻi he AD 50–51

Taumuʻá: Ke fai ha poupou mo tali e ngaahi fehuʻi fekauʻaki mo e Hāʻele ʻAnga Ua Maí

Ngaahi akonaki mahuʻingá: Ko e feʻofaʻakí, Toetuʻú, mo e Hāʻele ʻAnga Uá

Ki he kāingalotu ʻo e Siasí ʻi Tesaloniká (ko ha kolo ʻi Kalisi ʻhe ʻahó ni)

Tohi mei Kolinitō (ko ha kolo ʻi Kalisi he ʻahó ni) ʻi he AD 50–51

Taumuʻá: Ke fakamālohia ʻa e tuí mo fakamahinoʻi ʻa e ngaahi fetaʻemahinoʻaki fekauʻaki mo e Hāʻele ʻAnga Ua Maí

Ngaahi akonaki mahuʻingá: Ko e ikuʻanga ʻo e taʻe-māʻoniʻoní, Hē Fakaʻaufuli mei he Moʻoní, pea mo e mahuʻinga ʻo e ngāue ke tokonaki ha ngaahi fiemaʻu fakatuʻasinó