Naʻe akoʻi ʻe he ʻAposetolo ko Paulá ki he kakai Kolinitoó e tuʻunga naʻe ʻi ai ʻa e sino toetuʻú. Ko hotau ngaahi sinó “ʻoku fokotuʻu hake ia ʻi he taʻefaʻaʻauʻauha … [ʻi he] nāunau … [pea] ʻi he mālohi” (1 Kolinitō 15:42–43). Naʻá ne akoʻi foki, “[ʻe] folo hifo ʻa e maté ʻe he mālohi” (1 Kolinitō 15:54), ka ko e hā ʻa e ikuná ni? ʻE lava ke tokoni ʻa e ngaahi kupuʻi lea ko ʻení ke mahino kiate kitautolu ʻa e ngaahi ikuna kuo hoko koeʻuhí ko e Toetuʻú.