“ʻOku Tokoni Fēfē Nai ʻa e Muimui ʻi he Sīpinga ʻa e ʻEikí ke Tau Uluí?,” Liahona, Tīsema 2023.
Haʻu, ʻo Muimui ʻIate Au
Kilisimasi
ʻOku Tokoni Fēfē Nai ʻa e Muimui ʻi he Sīpinga ʻa e ʻEikí ke Tau Uluí?
ʻI heʻetau ako ki he moʻui ʻa Sīsū Kalaisí, ʻoku tau maʻu ai ha mahino lahi ange ki hotau natulá. Ko e lahi ange ʻetau muimui ki Heʻene sīpingá mo e ngaahi akonakí, ko e lahi ange ia ʻetau hangē ko Iá. Te tau maʻu ʻa e ivi, fakahinohino, mo e mālohi ke uluí ʻo fakafou ʻi Heʻene Fakaleleí. ʻI heʻetau muimui ki he sīpinga ʻa e ʻEikí, te tau ului ai ki Heʻene ongoongoleleí.
Naʻe akoʻi ʻe Palesiteni Tāleni H. ʻOakesi, Tokoni ʻUluaki ʻi he Kau Palesitenisī ʻUluakí, “Ko e taimi ʻeni ke tau takitaha ngāue ai ki heʻetau ului fakatāutahá, ki he hoko ʻo hangē ko ia ʻoku finangalo ʻetau Tamai Hēvaní ke tau aʻusiá.”1
Ko e Kalaisi Moʻuí
Fakakaukau ke lau ʻa e “Ko e Kalaisi Moʻuí: Ko e Fakamoʻoni ʻa e Kau ʻAposetoló” (ʻoku maʻu ʻi he ChurchofJesusChrist.org) pea fakaʻilongaʻi ʻEne ngaahi ngāué lolotonga ʻEne ngāue fakafaifekaú.
Te ke lava fēfē nai ʻo muimui ki he sīpinga ʻa e Fakamoʻuí pea fakahoko ha ngaahi meʻa tatau?
Te ke lava ʻo hiki ʻi he tēpile ʻi laló, ha niʻihi ʻo e ngaahi meʻa naʻe fakahoko ʻe Kalaisi lolotonga ʻEne ngāue fakafaifekaú, pea lisi leva ʻa e ngaahi meʻa te ke lava ʻo fai ke muimui ai ki Heʻene sīpingá. ʻOku ʻoatu heni ha sīpinga fakamatala ʻe ua mei he “Ko e Kalaisi Moʻuí” maʻau.
|
Ko e Meʻa Naʻe Fakahoko ʻe he ʻEikí |
Ko e Meʻa ʻe Lava Ke u Fakahokó |
|
“Fakatatau mo e fakahinohino ʻa ʻEne Tamaí, naʻá Ne hoko ai ko e Tupuʻanga ʻo e māmaní.” |
Te u lava ʻo tokoni ke fokotuʻu ha ʻapi ʻoku fakatefito ange ʻia Kalaisi. |
|
“Naʻá Ne fokotuʻu ʻa e sākalamēnití ko ha fakamanatu ʻo ʻEne feilaulau fakalelei maʻongoʻongá.” |
Te u lava ʻo manatu kiate Ia ʻi heʻeku maʻu ʻa e sākalamēnití. |