“ʻOku Teuteuʻi Fēfē Nai Kitautolu ʻe he Talangofuá ki he Moʻui Taʻengatá?,” Liahona, Tīsema 2023.
Haʻu, ʻo Muimui ʻIate Au
ʻOku Teuteuʻi Fēfē Nai Kitautolu ʻe he Talangofuá ki he Moʻui Taʻengatá?
Naʻe mahino kia Sione Fakahā ʻa e mahuʻinga ʻo e ngaahi fekaú ʻi he founga ʻoku nau teuteuʻi ai ʻa e fānau ʻa e ʻOtuá ke maʻu ʻa ia kotoa ʻokú Ne maʻú. Naʻe fakahinohinoʻi ʻe ha ʻāngelo ʻa Sione ʻe maʻu ʻe he kau māʻoniʻoni ʻoku muimui ki he ngaahi fekau ʻa e ʻOtuá ha kolo māʻoniʻoni: “ʻOku monūʻia ʻa kinautolu ʻoku fai ʻene ngaahi fekaú, koeʻuhí ke ngofua kiate kinautolu ʻa e ʻakau ʻo e moʻuí, pea nau hū ʻi he ngaahi matapā ki he koló” (Fakahā 22:14). Ko e “kolo māʻoniʻoni” (Fakahā 22:19) ʻoku finangalo ʻa e Tamai Hēvaní ke teuteuʻi kitautolu ki aí ko e puleʻanga fakasilesitialé ia.
“Pea naʻe hoko ʻo pehē naʻe fekau ʻe he ʻEikí ki heʻeku tamaí [Līhai], ʻio ʻi ha misi, ʻoku totonu ke ne ʻave hono fāmilí pea ʻalu ki he feituʻu maomaonganoá.
“Pea naʻe hoko ʻo pehē naʻá ne talangofua ki he folofola ʻa e ʻEikí” (1 Nīfai 2:2–3).
Ngaahi Sīpinga ʻo e Talangofuá
-
Mōsese 5:5–8: Ko hono fakahoko ʻe ʻĀtama mo ʻIvi ha ngaahi feilaulau ki he ʻEikí
-
1 Nīfai 2:2–7: Ko e mavahe ʻa Līhai mo hono fāmilí ki he feituʻu maomaonganoá
-
Mōsaia 18:1–11, 30: Ko e malanga ʻa ʻAlamā ʻi he Ngaahi Vai ʻo Molomoná
-
Mōsaia 24:8–15: Ko hono aʻusia ʻe ʻAlamā mo hono kakaí ʻa e fakatangá
-
4 Nīfai 1:1–18: Ko e maʻu ʻe he kau Nīfai naʻe uluí ʻa e ʻofá mo e uouangatahá ʻiate kinautolu