“Kapitulli 13: Jozefi dhe Ema: korrik 1830,” Histori nga Doktrina e Besëlidhje (2002), 51–55
“Kapitulli 13,” Histori nga Doktrina e Besëlidhje, 51–55
Kapitulli 13
Jozefi dhe Ema
(korrik 1830)
Jozefi dhe Ema Smith jetonin në Pensilvani. Ata kishin një fermë të vogël. Jozefi dhe Ema e donin njëri-tjetrin. Ata punonin shumë për të ndihmuar njëri-tjetrin.
Jozefi dhe Ema kishin shumë probleme. Ata ishin të varfër. Ata donin të kishin fëmijë. Ema lindi një djalë, por ai vdiq. Ema ishte e trishtuar. Më pas ajo dhe Jozefi patën shumë fëmijë.
Jozefi shqetësohej për familjen e tij. Ai donte të kujdesej për ta. Ai kishte nevojë të mbillte drithëra që familja e tij të kishte ushqim.
Jozefi shqetësohej gjithashtu për Kishën. Njerëzit e liq po shkaktonin shqetësime për shenjtorët. Disa nga drejtuesit e Kishës duhej të fshiheshin prej njerëzve të këqinj. Jozefi duhej të punonte shumë për të ndihmuar shenjtorët.
Disa herë Jozefi duhej të linte shtëpinë për të ndihmuar shenjtorët. Jozefit i vinte keq të linte familjen e tij. Ema trishtohej kur Jozefi largohej. Ajo shqetësohej për të.
Jozefi pyeti Jezusin se çfarë duhej të bënte. Jezusi i tha profetit Jozef të mos mërzitej prej këtyre shqetësimeve. Jezusi i tha atij të mos frikësohej nga njerëzit e liq. Jezusi tha se ai gjithmonë do ta ndihmonte Jozefin.
Jezusi tha se Jozefit duhej të mbillte drithëra për familjen e tij. Pastaj ai duhej të shkonte dhe të ndihmonte shenjtorët. Jezusi i tha Jozefit të mos shqetësohej për ushqime, rroba ose para. Shenjtorët do t’i jepnin Jozefit çfarë t’i nevojitej.
Jezusi i dha Jozefit një zbulesë për Emën. Jezusi tha që Ema Smith ishte një grua e veçantë. Ai e kishte zgjedhur atë për të bërë punë të rëndësishme.
Jezusi tha që Ema duhet të jetë e mirë me Jozefin kur ai të ketë probleme. Ajo duhej ta ndihmonte atë të ishte i lumtur dhe të mos shqetësohej.
Jezusi tha se Ema duhej të mësonte shenjtorët. Ajo duhej t’i ndihmonte ata të mësonin shkrimet e shenjta. Ai tha që Fryma e Shenjtë do ta ndihmonte atë të dinte çfarë t’u mësonte.
Jezusi tha që Ema duhet të përdorte kohën e saj për të studiuar. Ajo duhej të mësonte dhe të shkruante shumë gjëra.
Jezusi i kërkoi Emës të zgjidhte këngë që t’i këndonin shenjtorët. Këngët duhej të shtypeshin në një libër këngësh.
Perëndia dëshiron të dëgjojë njerëzit e drejtë të këndojnë. Këngët e tyre janë një lutje tek ai. Njerëzit e drejtë që i këndojnë Perëndisë, do të bekohen.
Jezusi i tha Emës të ishte e përulur. Ai i tha të donte burrin e saj. Ai i tha asaj të ishte e lumtur, sepse Jozefi do të kishte shumë bekime të mëdha.
Jezusi i tha Emës të mos shqetësohej për këtë botë. Ajo duhej të përgatitej për një botë më të mirë në qiell. Ajo duhej të ishte e lumtur dhe t’u bindej urdhërimeve të Perëndisë. Atëherë ajo do të shkonte në qiell.
Jezusi tha se gjërat që ai i tha Ema Smithit janë për të gjitha gratë.