“Kapitulli 20: Dhuratat e Frymës së Shenjtë: 8 mars 1831,” Histori nga Doktrina e Besëlidhje (2002), 77–80
“Kapitulli 20,” Histori nga Doktrina e Besëlidhje, 77–80
Kapitulli 20
Dhuratat e Frymës së Shenjtë
(8 mars 1831)
Jezusi tha që Fryma e Shenjtë ndihmon njerëzit e drejtë. Ai ndihmon Perëndinë t’u japë atyre dhurata të veçanta. Çdo shenjtor ka një dhuratë të veçantë. Shenjtorët duhet t’i përdorin dhuratat e tyre për të ndihmuar njëri-tjetrin. Jezusi i tha Jozef Smithit se cilat janë dhuratat.
Fryma e Shenjtë u jep disa shenjtorëve dhuratën e dëshmisë. Ata e dinë që Jezu Krishti është Biri i Perëndisë. Ata e dinë që ai vdiq për ne. Shenjtorëve të tjerë u janë dhënë dhurata për të besuar dëshmitë rreth Jezusit.
Disa shenjtorëve u jepet dhurata për të qenë drejtues.
Disa shenjtorëve u jepet dhurata për të ditur cilët shpirtra janë të drejtë dhe cilët të liq. Shpirtrat e drejtë dërgohen nga Perëndia. Ata na bëjnë të ndihemi të lumtur. Ata janë si drita. Shpirtrat e liq dërgohen nga Satani. Ata na bëjnë të ndihemi keq. Ata janë si errësira.
Fryma e Shenjtë u jep disa shenjtorëve dhuratën e të qenit të zgjuar. Ata janë të aftë të bëjnë zgjedhje të mira. Disa shenjtorë kanë dhuratën që të mësojnë gjëra. Ata u mësojnë atë që dinë shenjtorëve të tjerë. Ata mund t’u mësojnë shenjtorëve të tjerë të bëjnë zgjedhje të drejta.
Disa shenjtorëve u është dhënë dhurata e besimit për t’u shëruar. Disa shenjtorëve u është dhënë dhurata për të shëruar njerëzit e sëmurë. Fryma e Shenjtë u jep disa shenjtorëve dhuratën për të bërë mrekulli. Mrekullitë tregojnë fuqinë e Perëndisë.
Shenjtorëve të tjerë u jepet dhurata për të folur gjuhë që ata nuk i dinë.
Fryma e Shenjtë u jep disa shenjtorëve dhuratën për të ditur çfarë do të ndodhë para se të ndodhë.
Disa shenjtorëve u jepen shumë dhurata.
Peshkopi di çfarë dhuratash ka çdo shenjtor. Ai di kush do të jetë një mësues i mirë. Ai di kush mund të bëjë mrekullira. Ai di cili shenjtor e do Perëndinë dhe u bindet urdhërimeve të Perëndisë.
Shenjtorët e drejtë mund të kenë shumë dhurata. Ata duhet të punojnë për të marrë dhuratat për të cilat kanë nevojë. Të gjitha këto dhurata vijnë nga Perëndia.