“Kapitulli 48: Misionarët në Vende të Tjera: qershor 1837–tetor 1841,” Histori nga Doktrina e Besëlidhje (2002), 180–82
“Kapitulli 48,” Histori nga Doktrina e Besëlidhje, 180–82
Kapitulli 48
Misionarët në Vende të Tjera
(qershor 1837–tetor 1841)
Zoti donte që njerëzit në vende të tjera të mësonin rreth ungjillit. Ai i tha Jozef Smithit se disa nga shenjtorët duhet të shkonin në misione në Angli. Plaku Hibër C. Kimbëll dhe tre burra të tjerë u zgjodhën për të shkuar. Ata udhëtuan me një anije për në Angli.
Ata takuan një burrë që ishte drejtues i një kishe tjetër. Burri i la misionarët të predikonin në kishën e tij. Shumë njerëz u besuan misionarëve. Ata donin të pagëzoheshin. Kjo e egërsoi drejtuesin. Ai tha se misionarët nuk mund të predikonin më në kishën e tij.
Misionarët predikuan në shtëpitë e njerëzve. Shumë njerëz u bashkuan me Kishën e Jezu Krishtit të Shenjtorëve të Ditëve të Mëvonshme.
Më vonë burra të tjerë do të shkonin në misione në Angli. Disa prej tyre ishin apostuj. Jozefi foli me ta para se të shkonin. Ai u tha se çfarë duhej t’u mësonin njerëzve.
Jozefi u tha apostujve t’u bindeshin urdhërimeve të Perëndisë. Ai u foli atyre rreth priftërisë. Ai u tha se vetëm Kisha e vërtetë e Jezu Krishtit ka priftërinë.
Burrat ishin gati të shkonin në misionet e tyre. Ata nuk kishin para. Shumë prej tyre ishin të sëmurë. Disa nga gratë dhe fëmijët e tyre ishin të sëmurë. Por ata e dinin që Ati Qiellor do t’i ndihmonte ata dhe do të bekonte familjet e tyre.
Misionarët shkuan në Angli. Ata predikuan në shumë qytete. Mijëra njerëz të mirë besuan ungjillin. Ata u bashkuan me Kishën e Jezu Krishtit. Ati Qiellor i bekoi misionarët. Ata u kthyen shëndoshë në shtëpi pas misioneve të tyre.
Orson Hajd ishte një nga dymbëdhjetë apostujt. Jozef Smithi tha se Orsoni kishte një punë të madhe për të bërë për judenjtë. Orsoni shkoi në tokën e Palestinës. Më 24 tetor 1841, ai tha një lutje për të dedikuar tokën e Palestinës.
Ai i kërkoi Atit Qiellor të bekonte tokën. Ai u lut që të kishte ujë, kështu që drithërat mund të rriteshin. Ai u lut që të gjithë fëmijët e Abrahamit të mund të shkonin për të jetuar në Palestinë. Ata mund të ndërtonin shtëpi dhe kopshte atje.
Perëndia e ka bekuar tokën e Palestinës. Tani quhet Izrael. Më 1979, Presidenti Spenser W. Kimbëll tha një lutje për të dedikuar një kopsht në Izrael. Quhet Kopshti në Kujtim të Orson Hajdit.