“Kapitulli 18: Ligji i Kishës: 4 shkurt 1831,” Histori nga Doktrina e Besëlidhje (2002), 67–69
“Kapitulli 18,” Histori nga Doktrina e Besëlidhje, 67–69
Kapitulli 18
Ligji i Kishës
(4 shkurt 1831)
Në Kirtland Zoti i dha Jozef Smithit një zbulesë tepër të rëndësishme. Quhet ligji i Kishës.
DeB 42: Hyrje
Zoti tha që shenjtorët duhet t’u mësonin ungjillin të gjithë njerëzve. Burrat që shkojnë në mision duhet të shugurohen në priftëri. Ata duhet të shugurohen nga drejtuesit e Kishës.
Dy misionarë duhet të punojnë së bashku. Ata duhet të japin mësim nga Bibla dhe Libri i Mormonit. Ata duhet të luten për të patur Frymën e Shenjtë me ta. Fryma e Shenjtë do t’u thotë atyre se çfarë të mësojnë.
Misionarët duhet të pagëzojnë njerëzit që besojnë tek ungjilli.
Zoti tha që anëtarët e Kishës duhet t’u binden Dhjetë Urdhërimeve. Ata nuk duhet të vrasin. Ata nuk duhet të gënjejnë. Ata nuk duhet të thonë gjëra të këqija për njerëz te tjerë. Ata nuk duhet të bëjnë ndonjë gjë tjetër të keqe.
Shenjtorët duhet të ndajnë çfarë kanë me njerëz të tjerë. Të ndash me njerëzit e tjerë është sikurse të ndash me Jezusin.
Jezusi u dha shenjtorëve urdhërime të tjera. Asnjë shenjtor nuk duhet të mendojë se ai është më i mirë se një person tjetër. Shenjtorët duhet të jenë të pastër. Ata duhet të punojnë shumë.
Shenjtorët duhet të kujdesen për anëtarët e sëmurë. Burrat që kanë priftërinë duhet të bekojnë anëtarët e sëmurë. Anëtarët e sëmurë që kanë besim, mund të shërohen. Ata nuk do të vdesin nëse nuk u ka ardhur ende koha.
Shenjtorët e drejtë nuk duhet të kenë frikë nga vdekja. Vdekja është e mrekullueshme për njerëzit e drejtë.
Jezusi do t’u japë shumë zbulesa anëtarëve të drejtë. Ai do t’u mësojë atyre shumë gjëra. Ata do të dinë si të jenë shumë të lumtur. Zoti u tha shenjtorëve t’u binden ligjit të Kishës.