1 Uyariychis, o gentiles, kawsaj Diospa Wawan, Jesucristoj, palabrasninta, mayqenkunatachus qankunaman willanayta kamachiwarqa. Imaraykuchus kamachiwan escribinaypaj, nispa:

2 Kutikuriychis, tukuyniykichis gentiles, juchata ruwayniykichismanta. Diosman kutirikuychis tukuy sajra ruwasqasniykichismanta, llullakusqaykichismanta, engañasqaykichismanta, qhenchachakusqaykichismanta, pakaypi millay ruwasqaykichismanta, lantista yupaychasqaykichismanta, wañuchisqaykichismanta, layqas kasqaykichismanta, munapayasqaykichismanta, churanakusqaykichismanta, tukuy sajra, millay ruwasqaykichismanta. Ñoqaman jamuychis, sutiypi bautizakuychistaj, juchasniykichis pampachasqas kanankupaj, Santo Espirituwan junt’asqa kanaykichispaj, llajtaywan yupasqa kanaykichispajtaj, pikunachus Israelpa wawasnin kanku.