ພຣະຜູ້ໄຖ່

ພຣະເຢຊູຄຣິດ ເປັນພຣະຜູ້ໄຖ່ທີ່ຍິ່ງໃຫຍ່ຂອງມະນຸດຊາດ ເພາະວ່າພຣະອົງ, ຜ່ານການຊົດໃຊ້ຂອງພຣະອົງ, ໄດ້ຈ່າຍຄ່າແທນບາບຂອງມະນຸດຊາດ ແລະ ໄດ້ເຮັດໃຫ້ມີການຟື້ນຄືນຊີວິດຂອງຜູ້ຄົນທັງປວງ.

ຂ້ອຍຮູ້ວ່າພຣະຜູ້ໄຖ່ຊົງພຣະຊົນ, ໂຢບ 19:25.
ພຣະຜູ້ໄຖ່ອົງບໍລິສຸດຂອງອິດສະຣາເອນຈະຊ່ວຍພວກເຈົ້າໃຫ້ພົ້ນ, ອຊຢ 41:14 (ອຊຢ 43:14; 48:17; 54:5; 59:20).
ເຮົາຄືອົງພຣະຜູ້ເປັນເຈົ້າ ຜູ້ຊ່ວຍຊູເຈົ້າໃຫ້ພົ້ນ ແລະ ຜູ້ໄຖ່ໂທດຂອງເຈົ້າ, ອຊຢ 49:26 (ອຊຢ 60:16).

ຈົ່ງໃສ່ຊື່ໃຫ້ເດັກນີ້ວ່າ ເຢຊູ: ເພາະເພິ່ນຈະຊ່ວຍປະຊາຊົນຂອງຕົນ ໃຫ້ລອດພົ້ນຈາກບາບກຳຂອງພວກເຂົາ, ມທ 1:21.
ບຸດມະນຸດໄດ້ມາເພື່ອສະລະຊີວິດຂອງຕົນເປັນຄ່າໄຖ່ຄົນຈຳນວນຫລວງຫລາຍ, ມທ 20:28 (1 ຕມທ 2:5–6).
ອົງພຣະຜູ້ເປັນເຈົ້າຂອງອິດສະຣາເອນ ໄດ້ມາຢ້ຽມຢາມພົນລະເມືອງຂອງພຣະອົງ, ລກ 1:68.
ພວກເຮົາໄດ້ຄືນດີກັບພຣະເຈົ້າ ໂດຍການສິ້ນພຣະຊົນຂອງພຣະອົງ, ຣມ 5:10.
ພຣະເຢຊູຄຣິດໄດ້ສະລະພຣະອົງເອງແທນພວກເຮົາທັງຫລາຍ, ເພື່ອຊ່ວຍກູ້ເອົາພວກເຮົາໃຫ້ພົ້ນຈາກຄວາມຊົ່ວຮ້າຍທຸກຢ່າງ, ຕຕ 2:13–14.
ພຣະເຢຊູຄຣິດໄດ້ຊຳລະເຮົາໃຫ້ສະອາດຈາກບາບຂອງເຮົາດ້ວຍໂລຫິດຂອງພຣະອົງເອງ, ພນມ 1:5.

ການໄຖ່ຈຶ່ງມາເຖິງໂດຍຜ່ານທາງພຣະເມຊີອາຜູ້ບໍລິສຸດ, 2 ນຟ 2:6–7, 26.
ພຣະບຸດໄດ້ຮັບເອົາຄວາມຊົ່ວຮ້າຍ ແລະ ການລ່ວງລະເມີດຂອງພວກເຂົາມາໄວ້ນຳພຣະອົງເອງ, ແລະ ໄຖ່ພວກເຂົາ, ແລະ ຕອບສະໜອງຄວາມຮຽກຮ້ອງຕ້ອງການຂອງຄວາມຍຸດຕິທຳ, ມຊຢ 15:6–9, 18–27.
ພຣະຄຣິດໄດ້ສະເດັດມາເພື່ອໄຖ່ທຸກຄົນທີ່ໄດ້ຮັບບັບຕິສະມາໄວ້ກັບການກັບໃຈ, ແອວ 9:26–27.
ພຣະອົງຈະສະເດັດມາໃນໂລກນີ້ເພື່ອໄຖ່ຜູ້ຄົນຂອງພຣະອົງ, ແອວ 11:40–41.
ການໄຖ່ມາເຖິງຜ່ານການກັບໃຈ, ແອວ 42:13–26.
ພຣະເຢຊູຄຣິດໄດ້ສະເດັດມາເພື່ອໄຖ່ໂລກ, ຮລມ 5:9–12.
ພຣະຄຣິດໄດ້ໄຖ່ມະນຸດຊາດຈາກຄວາມຕາຍທາງຮ່າງກາຍ ແລະ ວິນຍານ, ຮລມ 14:12–17.
ການໄຖ່ຈຶ່ງມາເຖິງໂດຍຜ່ານທາງພຣະຄຣິດ, 3 ນຟ 9:17.
ເຮົາຄືຜູ້ທີ່ຖືກຕຽມໄວ້ນັບຕັ້ງແຕ່ການວາງຮາກຖານຂອງໂລກ ເພື່ອໄຖ່ຖອນຜູ້ຄົນຂອງເຮົາ, ອທ 3:14.

ພຣະຜູ້ເປັນເຈົ້າ ພຣະຜູ້ໄຖ່ຂອງເຈົ້າໄດ້ຮັບຄວາມຕາຍໃນເນື້ອໜັງ, ຄພ 18:11.
ພຣະຄຣິດໄດ້ທົນທຸກທໍລະມານເພື່ອທຸກຄົນຖ້າຫາກພວກເຂົາກັບໃຈ, ຄພ 19:1, 16–20.
ເດັກນ້ອຍໆໄດ້ຮັບການໄຖ່ຜ່ານພຣະອົງດຽວທີ່ຖືກຳເນີດ, ຄພ 29:46.
ເຮົາໄດ້ສົ່ງພຣະບຸດອົງດຽວທີ່ຖືກຳເນີດຂອງເຮົາມາຍັງໂລກເພື່ອການໄຖ່ໂລກ, ຄພ 49:5.
ພຣະຄຣິດເປັນຄວາມສະຫວ່າງ ແລະ ພຣະຜູ້ໄຖ່ຂອງໂລກ, ຄພ 93:8–9.
ໂຈເຊັບ ແອັຟ ສະມິດ ໄດ້ຮັບພາບນິມິດກ່ຽວກັບການໄຖ່ຄົນຕາຍ, ຄພ 138.