፩ የእስራኤል ^ሀኃያል የሆነው፣ ጌታ አምላክ እንዲህ ይላል፥ እነሆ፣ አገልጋዬ ^ለኤድዋርድ እንዲህ እልሀለሁ፣ አንተ የተባረክህ ነህ፣ እናም ኃጢአትህም ተሰርዮልሀል፣ እንዲሁም እንደመለከት ድምጽ ወንጌሌን እንድትሰብክ ተጠርተሀል፤

፪ እናም በአገልጋዬ በስድኒ ሪግደን ^ሀእጄን በአንተ ላይ እጭናለሁ፣ እናም የመንግስትን ^ለየሰላም ነገሮች የሚያስተምርህን ^ሐአጽናኝ የሆነውን መንፈሴን፣ መንፈስ ቅዱስን ትቀበላለህ።

፫ እናም ሆሳዕና፣ ልዑል እግዚአብሔር የተባረከ ይሁን በማለት፣ ከፍ ባለ ድምጽም ታውጀዋለህ።

፬ እናም አሁን ሰዎችን ሁሉ በተመለከተ፣ ይህን ጥሪና ትእዛዝ እሰጥሀለሁ—

፭ በአገልጋዮቼ በስድኒ ሪግደን እና በጆሴፍ ስሚዝ፣ ዳግማዊ ፊት ይህንን ጥሪና ትእዛዝ ተቀብለው የሚመጡት ሁሉ፣ ^ሀይሾማሉ እናም በአህዛብ መካከል ዘለአለማዊ ወንጌሌን ^ለእንዲሰብኩ ይላካሉ—

፮ ንስሀንም በመጮህ፣ እንዲህ ይበሉ፥ ከዚህ ጠማማ ትውልድ ራሳችሁን ^ሀአድኑ፣ እናም ከእሳት ውስጥም ተነጥቃችሁ ውጡ፣ በረከሰ ስጋ የተበከለውንም ^ለልብስ ተጸየፉ።

፯ እኔ እንደተናገርኩት በአንድ ልብ ይህን የሚቀበል ሁሉ እንዲሾምና እንዲላክ ይህ ትእዛዝ ለቤተክርስቲያኔ ሽማግሌዎች ይሰጣል።

፰ እኔ የእግዚአብሔር ልጅ ኢየሱስ ክርስቶስ ነኝ፤ ስለዚህ ወገባችሁን እሰሩ እናም በድንገትም ወደ ^ሀቤተመቅደሴ እመጣለሁ። እንዲህም ይሁን። አሜን።