፩ እነሆ፣ እና አድምጡ፣ እናንት የፅዮን ኗሪዎች፣ እናም በሩቅ ያላችሁ የቤተክርስቲያኔ ህዝብ፣ እናም ለአገልጋዬ ጆሴፍ ስሚዝ ዳግማዊ፣ ለአገልጋዬ ማርቲን ሀሪስ፣ እና ደግሞም ለአገልጋዬ ኦሊቨር ካውድሪ፣ እና ደግሞም ለአገልጋዬ ጆን ዊትመር፣ ለአገልጋዬ ስድኒ ሪግደን፣ እና ደግሞም ለአገልጋዬ ውልያም ደብሊው ፌልፕስ በትእዛዝ መንገድ የምሰጣቸውን የጌታን ቃል ስሙ።

፪ ትእዛዝ እሰጣቸዋለሁና፤ ስለዚህ፣ አድምጡ እናም ስሙ፣ ጌታ እንዲህ ይላቸዋልና—

፫ እኔ ጌታ መርጫቸዋለሁ፣ እናም በሰጠኋቸው፣ እና ከዚህም በኋላ ለምሰጣቸው ራዕዮች እና ትእዛዛት ^ሀመጋቢዎች እንዲሆኑ ሾሜአቸዋለሁ፤

፬ እናም የዚህን የመጋቢነትን ዘገባ በፍርድ ቀን እፈልግባቸዋለሁ።

፭ ስለዚህ፣ እኔም መርጫቸዋለሁ፣ እናም እነዚህን የሚመለከቱትን ጥቅሞቻቸውን፣ አዎን ቅሬታዎችን ማስተዳደር፣ በእግዚአብሔር ቤተክርስቲያን ውስጥ ይህም ሀላፊነታቸው ነው።

፮ ስለዚህ፣ እነዚህን ነገሮች ለቤተክርስቲያኗም ሆነ ለአለም እንዳይሰጡ ትእዛዝ እሰጣቸዋለሁ፤

፯ ይሁን እንጂ፣ ከመሰረታዊ ፍላጎቶቻቸው እና መሻታቸው በላይ እስከተቀበሉ ድረስ፣ ወደ ^ሀጎተራዬ ያግቡ፤

፰ እናም፣ እንደ መንግስት ህግጋት ^ሀወራሾች እስከ ሆኑ ድረስ፣ ጥቅሙም ለፅዮን ኗሪዎች፣ እናም ለትውልዶቻቸው፣ የተቀደሰ ይሆናል።

፱ እነሆ፣ ጌታ ከእያንዳንዱ ሰው፣ እንዲሁም እኔ ጌታ እንደመደብኩት ወይም ከዚህ በኋላ ለእያንዳንዱ ሰው እንደምመድበው፣ ^ሀበመጋቢነቱ የምጠብቅበት ይህ ነው።

፲ እናም እነሆ፣ በህያው እግዚአብሔር ቤተክርስቲያን አባል የሆነ ከእነዚህ የህግ ግዴታዎች ነጻ የሆነ ማንም የለም፤

፲፩ አዎን፣ ኤጲስ ቆጶስ ወይም የጌታን ጎተራን የሚጠብቀው ^ሀወኪል፣ ወይም በስጋዊ ነገሮች ላይ መጋቢነት የተሰጠውም ቢሆን ከእነዚህ የህግ ግዴታዎች ነጻ አይደሉም።

፲፪ ለመንፈሳዊ ጉዳዮችንም ሊያስተዳድር የተመረጠውም፣ ለስጋዊ ጉዳዮች አስተዳደር መጋቢነት እንደተሰጣቸው ሁሉ፣ እርሱም ^ሀደሞዙ ይገባዋል፤

፲፫ አዎን፣ እንዲሁም በብዛትም፣ ይህ ብዛትም ለእነርሱ በመንፈስ መግለጥ በኩል ይጨመርላቸዋል።

፲፬ ይሁን እንጂ፣ በስጋዊ ነገሮች ^ሀእኩል ሁኑ፣ እናም ይህንንም በመሰሰት አይደለም፣ አለበለዚያም፣ የመንፈስ መገለጥ ብዛቱ ይከለከላልና።

፲፭ በእዚህ እያሉ አገልጋዮቼ በረከቴ በላያቸው እንዲገለጥ እና ^ሀበትጋታቸው ምላሽ እና ለደህንነታቸው እንዲሁም ለጥቅማቸው ይህን ^ለትእዛዝም እሰጣቸዋለሁ፤

፲፮ ለምግብ እና ^ሀለልብስ፣ ለውርስ፣ ለቤቶች እና መሬትም እኔ ጌታ ባስቀመጥኳቸው ስፍራ ሁሉ እና በምልካቸው በማንኛቸውም ስፍራ ይሆኑ ዘንድ ይህን ትእዛዝም እሰጣቸዋለሁ።

፲፯ ^ሀበብዙ ነገሮች ታማኝ ነበሩና፣ እናም ኃጢአትንም ባለመስራት ድረስ በጎን ነገር አድርገዋልና።

፲፰ እነሆ፣ እኔ ጌታ ^ሀመሐሪ ነኝ እናም እባርካቸዋለሁ፣ እናም ወደ እነዚህ ነገሮች ደስታም ይገባሉ። እንዲህም ይሁን። አሜን።