Ko e Hiki Fakahihifo ʻa e Siasí

Feieti Naʻe ʻalu atu ʻa e Palōfita ko Siosefa Sāmitá mei Feieti ki Ketilani, ʻi ʻOhaiō, ʻi Sānuali ʻo e 1831. Naʻe muimui atu ʻiate ia ʻa e ngaahi kolo ʻe tolu ʻo e Siasí ʻi Niu ʻIoké ʻi ʻEpeleli mo Mē 1831 ʻi he fekau mei he ʻEikí ke nau fakataha ki ai (vakai ki he T&F 37; 38).

Ketilani Ko e hetikuota ia ʻo e Siasí mei he ʻaho 1 ʻo Fēpueli 1831 ki he ʻaho 12 ʻo Sānuali 1838, ʻi he hiki ʻa e Palōfitá ki Hihifo Mamaʻo, ʻi Mīsulí.

Tauʻatāina Naʻe fakahā mai ʻe he ʻEikí ʻi Siulai 1831 (vakai ki he T&F 57:3) ko Tauʻatāina ʻa e feituʻu ʻe langa ai ʻa Saioné. Naʻe tuli fakamālohiʻi ʻe ha kau fakatanga ʻa e Kāingalotú mei he Vahefonua Siakisoní ʻi Nōvema 1833.

Lipetī Naʻe fakataha mai ʻa e Kāingalotu mei he Vahefonua Siakisoní ki he Vahefonua Keleí mei he 1833 ki he 1836, ʻi he tuʻutuʻuni ke nau hiki mei aí. Naʻe tuku pōpula ʻa e Palōfita ko Siosefa Sāmitá mo ha niʻihi kehe ʻi ai.

Hihifo Mamaʻo Naʻe fokotuʻu heni ha feituʻu hūfangaʻanga moʻó e Kāingalotú mei he 1836–38. Naʻe hoko ia ko e hetikuota ʻo e Siasí ʻi he 1838. Naʻe tuli fakamālohiʻi ʻa e Kāingalotú ʻi he 1838–39 ke nau hola ki ʻIlinoisi.

Nāvū Ko e hetikuota ʻeni ʻo e Siasí mei he 1839–46. Naʻe hiki fakahihifo ʻa e Kāingalotú hili hono fakapoongi ʻo e Palōfitá mo hono tokoua ko Hailamé.

Kauniseli Palafi Naʻe aʻu mai ki heni ʻa e kau paioniá ʻi Sune 1846. Naʻe ʻalu atu mei ai ʻa e Patālione Māmongá ʻi he ʻaho 21 ʻo Siulai 1846, pea naʻe taki kiate kinautolu ʻa Sēmisi ʻĀleni.

Nofoʻanga Fakafaʻahitaʻu Momokó Ko e hetikuota ia ʻo e Siasí mei he 1846–48. Naʻe ʻalu atu mei ai ʻa e ʻuluaki kaungā fonongá ʻi ʻEpeleli 1847, pea naʻe taki ʻa kinautolu ʻe Palesiteni Pilikihami ʻIongi ʻi heʻenau fononga atu ki he Hihifó.

Footi Lēviniuefí Naʻe fakanāunauʻi heni ʻa e Patālione Māmongá, pea toki kamata ʻenau fononga lalo ki he hihifó ʻi ʻAokosi 1846.

Sanita Fei Naʻe taki ʻe Filipe Kuki ʻa e Patālione Māmongá ʻi heʻenau laka atu mei heni ʻi he ʻaho 19 ʻo ʻOkatopa 1846.

Puepelō Naʻe tuʻutuʻuni ki ha kulupu ʻe tolu naʻa nau puke ke nau ʻalu ki Puepelō ʻo feinga ke nau fakaakeake ai, pea naʻa nau nofo ai ʻi he faʻahitaʻu momoko ʻo e 1846–47 fakataha mo e Kāingalotu mei Misisipí. Naʻe aʻu mai ʻa e ngaahi kaungā fononga ko ʻení ki he Teleʻa Sōlekí ʻi Siulai 1847.

Seni Tieko Naʻe fakakakato ʻe he Patālione Māmongá ʻenau fononga lalo kilomita ʻe 3,200 mai ki heni ʻi he ʻaho 29 ʻo Sānuali 1847.

Losi ʻEniselisi Naʻe fakaʻatā heni ʻa e Patālione Māmongá ʻi he ʻaho 16 ʻo Siulai 1847.

Sākalamenitō Naʻe ʻi ai ha niʻihi ʻo e kau mēmipa ʻo e patālione ʻa ia naʻe fakaʻataá, naʻa nau nofo ʻo ngāue heni ʻi he Sata Mili ʻi he feituʻu fakahahake ʻo e Vaitafe ʻAmeliká, ʻa ia naʻa nau tokoni ai ki hono maʻu ʻo e koulá.

Sōleki Siti Naʻe aʻu mai ʻa Pilikihami ʻIongi ki he Teleʻa Sōlekí ʻi he ʻaho 24 ʻo Siulai 1847.