Fakamatala Fakahokohoko ʻo e Hisitōlia ʻo e Siasí

Naʻe fanauʻi ai ʻa Siosefa Sāmita (1805–44), kia Siosefa Sāmita ko e Lahí, mo Lusi Meki Sāmita, ʻi Seiloni, Veamoniti (vakai ki he SS—H 1:3).

Naʻe mamata ai ʻa e Palōfita ko Siosefa Sāmitá ki he ʻUluaki Meʻa-hā-maí ʻi ha vao ʻakau ʻi he kolo ko Palemaila mo e kolo ko Manisesitaá, ʻi Niu ʻIoke, ʻa ia naʻe ofi mai pē ki honau ʻapí (vakai ki he SS—H 1:15–17).

Naʻe ʻaʻahi mai ai ʻa e ʻāngelo ko Molonaí kia Siosefa Sāmita, ʻo ne fakahā ange kiate ia ʻo kau ki he lekooti ʻo e Tohi ʻa Molomoná. Naʻe mamata ʻa Siosefa ki he ngaahi peleti koula ʻa ia naʻe tanu ʻi he kiʻi tafungofunga (ko Komolá) ʻa ia naʻe ofi mai pē (vakai ki he SS—H 1:27–54).

Naʻe maʻu ai ʻe Siosefa Sāmita ʻa e ngaahi peleti koulá meia Molonai ʻi he Moʻunga ko Komolá (vakai ki he SS—H 1:59).

Naʻe foaki ai ʻe Sione ko e Papitaisó ʻa e Lakanga Taulaʻeiki Faka-ʻĒloné kia Siosefa Sāmita mo ʻŌliva Kautele ʻi Hāmoni, Penisilivēnia (vakai ki he T&F 13; SS—H 1:71–72).

Naʻe maʻu ai ʻe Siosefa Sāmita mo ʻŌliva Kautele ʻa e Lakanga Taulaʻeiki Faka-Melekisētekí meia Pita, Sēmisi, mo Sione, ofi ki he Vaitafe Sesikuehaná ʻa ia ʻoku ʻi he vahaʻa ʻo Hāmoni, ʻi Penisilivēnia, pea mo Kolesivili, ʻi Niu ʻIoke (vakai ki he T&F 128:20).

Naʻe kakato ai hono liliu ʻo e Tohi ʻa Molomoná. Naʻe fakaʻaliʻali ai ʻa e ngaahi peleti koulá ki he Kau Fakamoʻoni ʻe Toko Tolú pea mo e kau Fakamoʻoni ʻe Toko Valú (vakai ki he 2 Nīfai 11:3; 27:12–13; T&F 17).

Naʻe ʻosi paaki pea ʻatā ke maʻu ai ʻa e ngaahi ʻuluaki tatau ʻo e Tohi ʻa Molomoná, ʻi Palemaila, ʻi Niu ʻIoke.

Naʻe fokotuʻu ai ʻa e Siasí ʻi he Kolo ko Feietí, ʻi Niu ʻIoke.

Naʻe ui ai ʻa e ʻuluaki kau faifekau ke nau malanga ki he kau Leimaná (ʻUluaki Kakai ʻo ʻAmeliká) (vakai ki he T&F 28; 30; 32).

Naʻe fekau ki he Kāingalotú ke nau fakataha ki ʻOhaiō (vakai ki he T&F 37; 38:31–32).

Naʻe fakahā mai ai ki he Palōfita ko Siosefa Sāmitá ʻa e feituʻu ʻe langa ai ʻa e kolo ko Saioné (ʻa e Selūsalema Foʻoú) ʻi Tauʻatāina, ʻi Mīsuli (vakai ki he T&F 57; TT 1:10).

Naʻe vaheʻi ai ʻa Sitenei Likitoni mo Feletiliki G. Uiliamisi ke na hoko ko e ongo Tokoni ʻi he Kau Palesiteni ʻo e Siasí (vakai ki he T&F 81, ʻuluʻi fakamatalá) pea foaki kiate kinaua ʻa e ngaahi kī ʻo e puleʻanga fakaʻosi ko ʻení (vakai ki he T&F 90, ʻuluʻi fakamatalá; veesi 6).

Naʻe kamata ai ʻa e hola ʻa e Kāingalotú mei he kau fakatangá ʻi he Vahefonua Siakisoní, ʻi Mīsuli, ʻo nau kolosi atu ʻi he Vaitafe Mīsulí ki he Vahefonua Keleí.

Naʻe ʻalu atu ai ʻa Palesiteni Siosefa Sāmita mei Ketilani, ʻi ʻOhaiō, ki Mīsuli ʻi heʻene hoko ko e takimuʻa ʻo e ʻApitanga ʻo Saioné ke fai ha fakafiemālie mo ha tokoni ki he Kāingalotu naʻe tuli mei he Vahefonua Siakisoní.

Naʻe fokotuʻu ai ʻa e Kōlomu ʻo e Kau ʻAposetolo ʻe Toko Hongofulu-Mā-Uá, ʻi Ketilani, ʻi ʻOhaiō (vakai ki he T&F 107:23–24).

Naʻe kamata ai hono fokotuʻu ʻo e Kōlomu ʻUluaki ʻo e Kau Fitungofulú, ʻi Ketilani, ʻi ʻOhaiō.

Naʻe tali ai ʻa e Tokāteline mo e Ngaahi Fuakavá ke hoko ko ha tohi tapu ʻa e Siasí, ʻi Ketilani, ʻi ʻOhaiō.

Naʻe tāpuakiʻi mo fakatapui ai ʻa e Temipale Ketilaní (vakai ki he T&F 109).

Naʻe hā mai ai ʻa Sīsū Kalaisi kia Siosefa Sāmita mo ʻŌliva Kautele ʻi he Temipale Ketilaní. Naʻe hā mai mo Mōsese, ʻIlaiase, mo ʻIlaisiā ʻo foaki mai ʻa e ngaahi kī ʻo e lakanga fakataulaʻeikí (vakai ki he T&F 110).

Naʻe aʻu atu ai ʻa Hiipa C. Kimipolo mo ha toko ono kehe ki Livapulu, ʻi ʻIngilani, ʻi he ʻuluaki ngāue fakafaifekau ki mulí.

Naʻe fakahā mahino mai ai ʻa e hingoa ʻo e Siasí ʻi ha fakahā (vakai ki he T&F 115:4).

Naʻe tuku pōpula ai ʻa e Palōfita ko Siosefa Sāmitá mo ha niʻihi kehe ʻi he Fale Fakapōpula Lipetií, ʻi Lipetī, ʻi he Vahefonua Keleí, ʻi Mīsuli (vakai ki he T&F 121–123).

Naʻe fakahā ai ʻe he Palōfita ko Siosefa Sāmitá ʻa hono fai ʻo e papitaiso ki he maté.

Naʻe tāpuakiʻi mo fakatapui ai ʻe ʻOasoni Haiti ʻa e Fonua Tapú ki he foki ki ai ʻa e fānau ʻa ʻĒpalahamé (vakai ki he T&F 68:1–3; 124:128–129).

Naʻe fokotuʻu ai ʻa e Fineʻofa ʻa e kakai fefiné ʻi Nāvū, ʻi ʻIlinoisi.

Naʻe fakahoko ai ʻa e ʻuluaki ʻenitaumeni fakatemipale kakató.

Naʻe fakapoongi ai ʻa Siosefa Sāmita mo Hailame Sāmita ʻi he Fale Fakapōpula Kātesí (vakai ki he T&F 135).

Naʻe kamata ai ʻa e kolosi atu ʻa e Kāingalotu ʻi Nāvuú ʻi he Vaitafe Misisipí ke nau hiki ki he hihifó. Naʻe folau mai ʻi he vaka ko e Pulukiliní (Brooklyn) ha Kāingalotu ʻe niʻihi mei he hahaké mei Niu ʻIoke Siti ki Kalefōnia.

Naʻe fakakau ai ʻa e Patālione Māmongá ki he kau sōtia ʻa e ʻIunaiteti ʻSiteití ʻi ʻAiouā.

Naʻe mavahe ai ʻa e kaungā fononga paionia ʻa Pilikihami ʻIongí mei he Nofoʻanga Fakafaʻahitaʻu Momokó ʻi heʻenau fononga ki he hihifó (vakai ki he T&F 136).

Naʻe tūʻuta mai ai ʻa Palesiteni Pilikihami ʻIongi ki he Teleʻa Sōlekí.

Naʻe poupouʻi ai ʻe he konifelenisi ʻa e Siasí ʻa Palesiteni Pilikihami ʻIongi, ʻEletā Hiipa C. Kimipolo, mo ʻEletā Uiliate Lisiate ko e Kau Palesiteni ʻUluakí.

Naʻe fakaʻauha ai ʻe he fanga heʻe ʻa e ngoue ʻi he Teleʻa Sōlekí. Naʻe fakahaofi ʻe he fanga tala ʻa e ngaahi ngoué mei hono fakaʻauha fakaʻaufulí, ʻo nau kai ʻa e fanga heʻé.

Naʻe fokotuʻu ai ʻa e Lautohi Faka-Sāpaté ʻe Lisiate Palenitaine.

Naʻe kamata ai hono pulusi ʻo e nusipepa Deseret News ʻi Sōleki Siti.

Naʻe taʻofi tuʻu ai ʻa e kaungā fononga toho saliote lalo ʻa Uili mo Mātiní ʻe he ngaahi afā sinou. Naʻe maʻu ʻa kinautolu ʻe ha kau kumi fakahaofi mei he Teleʻa Sōlekí.

Naʻe toe fokotuʻutuʻu foʻou ai ʻa e Fineʻofá ʻo fakatatau ki he tuʻutuʻuni ʻa Palesiteni Pilikihami ʻIongi.

Naʻe fokotuʻu ai ʻa e Kautaha Moʻui Fakapotopoto ʻa e Kau Finemuí, ʻa ia ko e ʻuluaki kamata ia ʻo e polokalama ʻa e Kau Finemuí.

Naʻe fokotuʻu ai ʻa e Kautaha Mutuale Fakalakalaka ʻa e Kau Talavoú, ʻa ia ko e ʻuluaki kamata ia ʻo e polokalama ʻa e Kau Talavoú.

Naʻe tāpuakiʻi mo fakatapui ai ʻa e Temipale Sā Siaosí. Naʻe maʻu ai ʻe Palesiteni Pilikihami ʻIongi ʻa e fakahā ke fokotuʻutuʻu maau ʻa e lakanga fakataulaʻeikí mo e ngaahi siteiki ʻo Saioné.

Naʻe kamata ai ʻe ʻAulelia Sipenisā Lousa ʻa e ʻuluaki fakataha ʻa e ʻuluaki Palaimelí ʻi Fāmingitoni, ʻi ʻIutā.

Naʻe fokotuʻu ai ʻa Sione Teila ko e Palesiteni ʻo e Siasí. Naʻe tali ai ʻa e Mataʻitofe Mahuʻingá ke hoko ko ha tohi tapu ʻa e Siasí.

Naʻe fai mai ai ʻa e fakahā kia Palesiteni Sione Teila ʻo kau ki hono fokotuʻu ʻo e Kau Fitungofulú.

Naʻe fokotuʻu ai ʻa Uilifooti Utalafi ko e Palesiteni ʻo e Siasí.

Naʻe poupouʻi ai ʻa e “Fanongonongo Fakamafaiʻí” ʻi he konifelenisi lahi, ʻo fakangata ai ʻa e fai ʻo e mali tokolahí (vakai ki he FFkm—1).

Naʻe tāpuakiʻi mo fakatapui ai ʻe Palesiteni Uilifooti Utalafi ʻa e Temipale Sōlekí, hili hano langa ia ʻi ha taʻu ʻe 40.

Naʻe hoko ai ʻa Lolenisō Sinou ko e Palesiteni ʻo e Siasí.

Naʻe maʻu ai ʻe Palesiteni Lolenisō Sinou ʻa e fakahā ʻi Sā Siaosi, ʻo ueʻi hake ai ia ke ne hanga ʻo fakamamafaʻi ʻa e totongi vahehongofulú (vakai ki he T&F 119).

Naʻe hoko ai ʻa Siosefa F. Sāmita ko e Palesiteni ʻo e Siasí.

Naʻe mamata ai ʻa Palesiteni Siosefa F. Sāmita ki he meʻa-hā-mai ʻo kau ki hono huhuʻi ʻo e pekia (vakai ki he T&F 138).

Naʻe hoko ai ʻa Hiipa J. Kalānite ko e Palesiteni ʻo e Siasí.

Naʻe kamata ai ʻa e Polokalama Maluʻi ʻa e Siasí ke tokoniʻi ʻa e masivá lolotonga ʻa e Tō ʻa e Mahuʻinga ʻo e Paʻangá; pea toki hoko ia ko e polokalama Uelofea ʻa e Siasí. Naʻe tupu ʻa e polokalama ko ʻení mei ha fakahā naʻe maʻu ʻi muʻa ʻe Palesiteni Hiipa J. Kalānite.

Naʻe ʻuluaki ui ai ʻa e Kau Tokoni ki he Toko Hongofulu Mā Uá.

Naʻe hoko ai ʻa Siaosi ʻAlipate Sāmita ko e Palesiteni ʻo e Siasí.

Naʻe fokotuʻu ai ʻa Tēvita O. MaKei ko e Palesiteni ʻo e Siasí.

Naʻe fakahā ai ʻe ʻEletā Hāloti B. Lī, ʻi he tuʻutuʻuni ʻa e Kau Palesiteni ʻUluakí, kuo pau ke fakafekauʻaki ʻa e ngaahi polokalama kotoa ʻa e Siasí ʻi he lakanga fakataulaʻeikí ke fakamālohia mo poupouʻi ai ʻa e fāmilí mo e tokotaha fakafoʻituituí.

Toe fakamamafaʻi ai hono fai ʻo e efiafi fakafāmili ʻi ʻapí.

Naʻe hoko ai ʻa Siosefa Filitingi Sāmita ko e Palesiteni ʻo e Siasí.

Naʻe kamata ai hono pulusi ʻo e ngaahi makasini foʻou ʻa e Siasí—ko e Ensign, New Era, mo e Friend.

Naʻe hoko ai ʻa Hāloti B. Lī ko e Palesiteni ʻo e Siasí.

Naʻe hoko ai ʻa Sipenisā W. Kimipolo ko e Palesiteni ʻo e Siasí.

Naʻe fakahā ai ʻe Palesiteni Sipenisā W. Kimipolo ʻa hono fokotuʻutuʻu foʻou ʻo e Kōlomu ʻUluaki ʻo e Kau Fitungofulú.

Naʻe tānaki mai ai ha fakahā ʻe ua ki he Mataʻitofe Mahuʻingá. Naʻe toe hiki ia ʻi he 1981 ʻo hoko ko e T&F vahe 137 mo e 138.

Naʻe poupouʻi ai ʻe he Siasí ʻa e fakahā ke foaki ʻa e lakanga fakataulaʻeikí ki he mēmipa tangata kotoa pē ʻoku feʻunga mo tāú, ʻo tatau ai pē pe ko e hā ʻa e faʻahinga kakai ʻoku nau haʻu mei ai, pe ko e lanu ʻo honau kilí (vakai ki he FFkm—2).

Naʻe paaki ai ʻa e pulusi ʻa e Siasí ʻo e Tohi Tapu Kingi Sēmisí fakataha mo hono ngaahi tokoni fakaakó.

Naʻe paaki ai ʻa e pulusi foʻou ʻo e Tohi ʻa Molomoná, Tokāteline mo e Ngaahi Fuakavá, mo e Mataʻitofe Mahuʻingá.

Naʻe kamata ai ʻa e Kau Palesiteni Fakaʻēliá, pea ui hono kau mēmipá mei he Kau Fitungofulú.

Naʻe hoko ai ʻa ʻĒsela Tafi Penisoni ko e Palesiteni ʻo e Siasí.

Naʻe fokotuʻu ai ʻa e Kōlomu Hono Ua ʻo e Kau Fitungofulú.

Naʻe hoko ai ʻa Hauati W. Hanitā ko e Palesiteni ʻo e Siasí.

Naʻe hoko ai ʻa Kōtoni B. Hingikeli ko e Palesiteni ʻo e Siasí.

Ngata ai ʻa e lakanga ʻo e fakafofonga fakavahelahí. Fakahā ha lakanga fakatakimuʻa foʻou ʻa ia ʻe ui ko e Taki Fakaʻēliá.

Naʻe pulusi ai ʻa e “Ko e Fāmilí: Ko ha Fanongonongo ki he Māmaní” mei he Kau Palesiteni ʻUluakí mo e Fakataha Alēlea ʻo e Kau ʻAposetolo ʻe Toko Hongofulu Mā Uá.

Naʻe fakanofo ʻa e Kau Taki Fakaʻēliá ko e Kau Fitungofulu. Fakahā hono fokotuʻu ʻo e Kōlomu Fika Tolu, Fā mo e Nima ʻo e Kau Fitungofulú.

Naʻe fakahā ai ʻe Palesiteni Hingikeli hono langa ʻo e ngaahi temipale īkí.

Aʻu ʻa e tokolahi ʻo e mēmipasipi ʻo e Siasí ki he toko 10 milioná.

Naʻe fakahā ai ʻe Palesiteni Hingikeli ʻa e taumuʻa ke aʻu ʻa e ngaahi temipale ʻoku lolotonga ngāue ʻakí ki he 100 ʻi he taʻu 2000.