6. Fale ʻAkau ʻo Pita Uitemā, ko e Lahí
Ko e fale ʻakau ʻeni ʻo Pita Uitemā, ko e Lahí ʻa ia naʻe toe langa foʻou, ʻa ia naʻe langa ʻi he tuʻuʻanga pē ʻo e fale motuʻá ʻi Feieti, ʻi Niu ʻIoke.
Ngaahi Meʻa Mahuʻinga naʻe Hoko aí: Naʻe fakaʻosi ʻe Siosefa Sāmita hono liliu ʻo e Tohi ʻa Molomoná ʻi heni ʻi he konga ki mui ʻo Sune ʻo e 1829. Naʻe mamata ʻa e Kau Fakamoʻoni ʻe Toko Tolú ki he ʻāngelo ko Molonaí pea mo e ngaahi peleti koulá ʻi ha vao ʻakau ofi mai ki he ʻapi ko ʻení. ʻOku pulusi he taimí ni ʻa ʻenau fakamoʻoní ʻi he konga ki muʻa ʻo e ngaahi tatau kotoa pē ʻo e Tohi ʻa Molomoná. Naʻe fakataha mai ha kakai ʻe toko 60 nai ʻi he ʻaho 6 ʻo ʻEpeleli 1830 ki he ʻapi ʻo Pita Uitemaá ke nau mamata tonu ʻi hono fokotuʻu ʻo e Siasi ʻo Sīsū Kalaisí. Naʻe fai ʻi heni ʻa e ngaahi ʻuluaki fakataha mo e ngaahi konifelenisi ʻa e Siasi naʻe toki fokotuʻu ní. Naʻe maʻu ha fakahā ʻe uofulu mei he ngaahi fakahā ʻa ia ʻoku ʻi he Tokāteline mo e Ngaahi Fuakavá ʻi he ʻapi ʻo Pita Uitemaá.
6. Fale ʻAkau ʻo Pita Uitemā, ko e Lahí Naʻe langa ʻa e tatau ko ʻeni ʻo e falé ʻi he feituʻu naʻe tuʻu ai ia ʻi hono fokotuʻu ʻo e Siasí ʻi he ʻaho 6 ʻo ʻEpeleli 1830.