12. Fale Fakapōpula Lipetií
Ko kiʻi fale fakapōpula siʻisiʻi ʻoku tuʻu ʻi Lipetī, ʻi Mīsuli. Naʻe tuku pōpula ʻa Siosefa Sāmita mo ha kau tangata kehe ʻe toko nima ʻi loto ʻi hono ngaahi holisi ʻoku mita ʻe 1.2 (fute ʻe fā) hono matolú, mei he ʻaho 1 ʻo Tīsema 1838 ki he ʻaho 6 ʻo ʻEpeleli 1839. (Naʻe tukuange ʻa Sitenei Likitoni ʻi he konga ki mui ʻo Fēpuelí). Naʻe tuku ʻa kinautolu ʻi he loki ki lalo pe konga taupotu ʻo e fale fakapōpulá ʻi lalo ʻi he kelekelé, pea naʻa nau mohe ai ʻi he maka momokó, ʻi he faliki naʻe faliki ʻaki ʻa e musie mōmoa, pea naʻe ʻikai maama pea ʻikai ha meʻa ke maluʻi fakamāfanaʻi kinautolu mei he momoko ʻo e faʻahitaʻu momokó.
Meʻa Mahuʻinga naʻe Hoko aí: Naʻe lotu tautapa ʻa e Palōfita ko Siosefá ki he ʻEikí koeʻuhi ko e Kau Māʻoniʻoni ʻe lau afe naʻe tuli mei Mīsulí, peá ne maʻu ai ha tali ki heʻene lotú, pea naʻá ne hiki ia ʻi ha tohi ki he Kāingalotu ne tuli mei he fonuá (T&F 121–123).
12. Fale Fakapōpula Lipetií Lolotonga hano tuku pōpula taʻe totonu heni (1838–39) ʻo e Palōfita ko Siosefa Sāmitá, naʻá ne maʻu ai ʻa e fakahā ko ia ʻoku hoko he taimí ni ko e Tokāteline mo e Ngaahi Fuakava vahe 121–123.