8. ʻApi ʻo Sione Sionisoní

Naʻe tuʻu ʻa e ʻapi ʻo Sione mo ʻĀlisi Sionisoní ʻi Hailame, ʻi ʻOhaiō. ʻOku ʻi he fungavaka uá ʻa e loki ko ʻení.

Ngaahi Meʻa Mahuʻinga naʻe Hoko aí: Naʻe nofo ʻa e Palōfita ko Siosefa Sāmitá mo hono uaifi ko ʻEmá ʻi he ʻapi ko ʻení. Naʻe maʻu ʻe Siosefa mo Sitenei Likitoní ʻi he ʻaho 16 ʻo Fēpueli 1832, ʻi he ʻao ʻo ha niʻihi tokolahi kehe, ʻa e meʻa-hā-mai fakaofo ko ia ki he ngaahi nāunaú (T&F 76). Naʻe toe ngāue foki ʻi he ʻapi ko ʻení ʻa Siosefa ki hono liliu ʻo e Tohi Tapú (LSS). ʻI he ʻaho 24 ʻo Māʻasi 1832, lolotonga ʻa e nofo heni ʻa Siosefa mo ʻEmá, naʻe hanga ai ʻe ha kau fakatanga mei ha kakai naʻa nau mavahe mei he Siasí pea mo ha kakai naʻa nau fakafepakiʻi ʻa e kau Māmongá, ʻo tā mo vali ʻaki ʻa e valitā pea fakapipiki mo e fulufuluʻi moa ki he sino ʻo Siosefa mo Siteneí.