10. Ko e Teleʻa ko ʻĀtama-ʻonitai-ʻĀmaní

Ko e vakai fakahahake atu ʻeni ʻi he teleʻa ko ʻĀtama-ʻonitai-ʻĀmani, ʻa ia ko ha teleʻa lōngonoa, mo fakaʻofoʻofa ʻoku tuʻu ʻi he tokelau-hihifo ʻo Mīsulí ʻo ofi ki he kiʻi kolo ko Kalātini.

Ngaahi Meʻa Mahuʻinga naʻe Hoko aí: Naʻe ui fakataha mai ʻe ʻĀtama ʻa hono hakó ki he teleʻa ko ʻení ʻi ha taʻu ʻe tolu ki muʻa peá ne toki pekiá, ʻo ne tuku kiate kinautolu ʻa ʻene tāpuaki fakaʻosí (T&F 107:53–56). Naʻe hoko ʻa ʻĀtama-ʻonitai-ʻĀmani ʻi he 1838 ko e tuʻunga ia ʻo ha kolo naʻe nofo ai ha Kau Māʻoniʻoni ʻi he Ngaahi ʻAho Kimui Ní ʻe toko 500 ki he 1,000. Naʻe liʻaki ʻe he Kāingalotú ʻa e nofoʻanga ko ʻení ʻi hono tuli ʻa kinautolu mei Mīsulí. Ki muʻa ʻi he Hāʻele ʻAnga Ua mai ʻa Kalaisi ʻi he nāunaú, ʻe toe fakataha mai ki he teleʻa ko ʻení ʻa ʻĀtama mo hono hako māʻoniʻoní, ʻa ia ʻoku kau ai ʻa e Kau Māʻoniʻoni ʻi he ngaahi kuonga kotoa pē, ke fakafetaulaki ki he Fakamoʻuí (Taniela 7:9–10, 13–14; T&F 27; 107:53–57; 116:1).