A Kōm Ar Jab Eo̧ron̄ Er

Naan in eoroñ meļeļeļin ñe jej kile ak ñe jej leļo̧k ad ñan juon armej ak juōn men. Bōtaab, naan ko ilo al in “Jen Wōnmanlok Wōt” ej kakkōl kōj n̄an kāālet eo ejejjet im pen n̄an ar jab elļo̧k n̄an “ta eo rinana emaroñ ba.” Im Liai im armej ro raar pād ippān doon im raar m̧ōn̄ā leen wōjke eo im raar maron̄ juon waanjon̄ak ekajoor n̄an jab elļo̧k n̄an kakūtōtō im kajjirere eo me ekkā an itok jān m̧weo ekilep im ļap.

Pedped in tōmak ilo Kraist ej jeje “a kōn Jetōb an Anij emour … a ilo [būruōd] tebōļ in kanniōk ko”⁶ ej kōļapļo̧k maron̄ eo ilo kōj n̄an “jab eo̧ron̄” mennin kōm̧ad ko, naan in kallulu ko, im mennin kapan̄pan̄ ko ilo laļ in ad me jej wōtļo̧k im likjab ie. Waanjon̄ak, tōmak eo ej pedped ilo im ioon Irooj Jisōs Kraist eo ej kōkajoor kōj kōn kajoor eo an jetōb. Tōmak ilo Ripinmuur ej juon pedped in jerbal im kajoor eo. Eļan̄n̄e jenaaj kōm̧m̧an ekkar n̄an m̧ool eo an gospel in An, jejeram̧m̧an kōn kajoor in jetōb n̄an bun̄ maanļo̧k debļo̧ki apan̄ ko an mour in ilo ad mije wōt lan̄lōn̄ ko im Rilo̧mo̧o̧r ej letok n̄an kōj. M̧ool eo ke, “elaññe jej kōm̧m̧ani men ko rejimwe jejjab aikuj mijak, bwe Irooj ej, ar ri jipan̄, enaaj ebaake kōj.”⁷

Deļo̧n̄e bujen ko rekwojarjar im erreo ilo ad bōk kain̄i ko an priesthood ej kakobaik kōj im liāpelok kōj n̄an Irooj Jisōs Kraist im Jemedwōj Ilan̄.⁸ Menin ej meļeļein bwe jej lōke Rilo̧mo̧o̧r āinwōt ad rijojomar⁹im rijipan̄¹⁰ im pedped wōt ioon em̧m̧an ko An, tūriam̧o̧, jouj¹¹ ilo iaļan mour in. Ilo ar jutak pen im itok n̄an ippān Kraist, enaaj karreoiki kōj, kōmour kōj, im letok kajoor, im kōjeraam̧m̧an im Pinmuur ko An ejjeļo̧k jem̧ļo̧kier im rej n̄an indeeo.¹²

Mour kake im iakwe kallim̧ur in bujen ko ej ejaake juon jem̧jerā ippān Irooj me elukkuun m̧wūlaļ ibben an kajoor ñan kōj make im kajoor in jetōb. Ilo ad kautiej bujen ko rekwojarjar im kain̄i ko, jej ajedik m̧aanļo̧k im kōm̧m̧an em̧m̧an jidik ļo̧k jidik ilo ad kepaakeļo̧k E¹³ im jenaaj pād ium̧win rom̧aak eo An ilo lukkuun jokkin mour ekwojarjar im jej mour kake ilo mour ko ad. Kōn menin, Jisōs eaar erom̧ juon armej epād ilo bwebwenato ko ilo jeje ko rekwojarjar; waanjon̄ak im katak ko an rej im̧we aolep ikdeleel, ļōmņak, im kōm̧m̧an ko ad.

Ij m̧ool ke ejjeļo̧k aō maron̄ n̄an kabwe jon̄an aō kōmeļeļeiki jejjetin kadkad im kajoor in bujen ko ad ko me rej koneekļo̧k ippān Nejin Anij eo emour me em̧ōj an jerkakpeje. Bōtaab ij kam̧ool bwe koneekjeņ ko Ippān im Jemedwōj Ilan̄ rem̧ool im rej kein jipan̄ ko reļļap n̄an kōjatdikdik, aenōm̧m̧an, lan̄lōn̄, im kajoor eo an jetōb me ej kōmaron̄ kōj n̄an “jab leln̄on̄ kōn ro rikijrāt.”¹⁴ Āinwōt rikaļoor ro an Jisōs Kraist ro me rej kōm̧m̧an im kōjparok bujen ko, jemaron̄ jeram̧m̧an n̄an bōk “peran, bwe Irooj ej jiban̄ kij”¹⁵ im jab mad ilo im̧we ko an eo enana im katak ko an laļ in.

Ilo aō loļo̧k membōr ro an Kabun̄ in ilo peļaakin laļ in, ekkā aō kajjitōkin er kajjitōk in: ta eo ej jipan̄ kom̧ bwe kom̧win “jab eo̧roñ” im̧we nana ko an laļ in, kakūtoto, im kajjirere ko? Uwaak ko aer rekar ļap meleleir.

Ro uwaan me relukun kajoor im ekkā wōt aer kwaļo̧k aorōkin karuwaineneik tok kajoor eo an Jetōb Kwojarjar n̄an mour ko aer ilo aer m̧ool in ekkatak jān jeje ko rekwojarar, jar ko rekajoor, im kōppopo ko rekkar n̄an bōk koņaad ilo kain̄i ko an kwojkwoj eo. Ekar barānwōt emakijkij aer kōnono kōn jipan̄ ko an ro uwaan baam̧le ko retiljek im ro m̧ōttad rem̧m̧an, katak ko raorōk rar ekkatak kaki jān jerbal in karejar im jerbal ilo Kabun̄ eo an Irooj me em̧ōj an jepļaaktok, im kajoor n̄an kāālet jabdewōt bwe en ejjeļo̧k kobban an itok jān m̧weo ekilep im ļap.

Em̧ōj aō je ke uwaak ko an membōr rein ilo juon wāween eo me elukkuun ļap an aorōk. M̧oktata im jab diktata, rikaļoor rein ewōr aer naan in kam̧ool edim kōn karōk eo an Jemedwōj Ilan̄ me ekam̧ōņōņō im eddo eo an Jisōs Kraist āinwōt ad Ripinmuur im Rilo̧mo̧o̧r. Im kein karuo, jeļā eo aer kōn jetōb im jem̧ļo̧k eo ejenoļo̧k, ilo er make, im ilo jejjetin; rejjab jelet aolep im ilo jeļāļo̧kjeņ. Ij ron̄jake an armej m̧ool rein kōnnaan kōn an bujen ko leļo̧k kajoor n̄an er bwe ren maron̄ eļļā ioon mennin kapo ko im ekōm̧m̧an bwe kooneekjen eo aer ippān Irooj en jipan̄ er ilo iien ko rem̧m̧an im renana. N̄an rein kajjojo, Jisōs Kraist ej ilo m̧ool an juon make Rilo̧mo̧o̧r.

Pija

Juōn kampōj

Bujen ko im kain̄i ko an gospel rej jerbal ilo mour ko ad ej āinwōt juon kambōj. Kambōj eo ej juon men me rej kōjerbale n̄an kwaļo̧k iaļ eo n̄an iōn̄, rōk, rear, im rilik im āinwōt juon kein ejerakrōk im kwaļo̧k ia eo repād ilo laļ in. Im ejja āinwōt jekjek in, bujen ko ad im kain̄i ko rej bar jitōn̄ ļo̧k kōj im jipan̄ kōj aolep iien bwe jen keememej koneekjeņ eo ad ippān Irooj Jisōs Kraist ilo ad wōnm̧aanļo̧k wōt ilo iaļan bujen kein ad.

Pija

Kraist eo

Iaļ eo n̄an kōj aolep ilo mour in ej n̄an itok n̄an e im wāppen ilo Kraist.¹⁶ Bujen ko rekwojarjar im kain̄i ko rej jipan̄ kōj n̄an mije wōt Rilo̧mo̧o̧r im kajjieon̄, kōn jouj eo An,¹⁷ n̄an erom̧ āinwōt E. Lukkuun m̧ool eo enaaj waļo̧k, “kwe im n̄a naaj bōk jiban̄ jen [kajoor] nojak kōn wōt wūn ko rejimwe.”¹⁸

Bujen eo ad ej koneeke kōj ippān Anij im Jisōs Kraist ej juon iaļ eo me jemaron̄ bōke maron̄ im kajoor eo n̄an “jab eo̧roñ.” Im jem̧jerā in ej kajoor ilo ad wōnm̧aanļo̧k im jirok aen in dāpdep eo. Ak ke ļōmaro jein im jatin Nipai raar kajjitōk, “Ta meļeļein aen in dāpdep eo jemād eaar lo e … ?

“Im [Nipai eaar] jiron̄ er bwe eaar naan in Anij; im jabdewōt eo enaaj kar eo̧ron̄ naan in Anij, im naaj jirok likatōttōt ilo e, renaaj jamin jako; barāinwōt kapo ko im m̧ade kijeek ko an rikapo rej jamin anjo̧ ioer im kapiloik er, n̄an tōlļo̧k er n̄an jako.”¹⁹

Jouj im keememej bwe maron̄ n̄an anjo̧ jān kapo ko im m̧ade kijeek ok an rikapo eo kar kallim̧uri ro kajjojo me rej “jirok likatōttōt” ijjeļo̧kin aer “jirok” wōt naan in Anij

Ilo jet naan ko rekaitoktok limo, Rikaļoor Jon eaar kōmeļeļeiki ke Jisōs Kraist ej Naan eo.²⁰

“Ilo jinoin Naan eo, im Naan ippān Anij, im Naan eo ej Anij. …

“Ear kōm̧m̧an men otemjej, im ejjeļo̧k men eo Ear jab kōm̧m̧ane, men eo em̧ōj kōm̧anm̧ane. …

“Im Naan ear kanniōk im pād ipped, (im jaar kallimjek An aiboojoj, aiboojoj āinwōt an juon wōt ri keotak jān Jemān,) e obrak kōn jouj im m̧ool.”²¹

Kōn menin, juon iaan et ko etan Jisōs Kraist ej “Naan Eo.”²²

Naan in kakkobaba, ke Lajrak in Tōmak rualitok ej kwaļo̧k, “Kōmij tōmak bwe Baibōl eo ej naan an Anij toon wōt an jim̧we ukok eo an; kōmij bar tōmak bwe Bok in Mormon eo ej naan an Anij²³

Im kiiō, katak ko an Rilo̧mo̧o̧r eo, āinwōt kar je ilo Jeje ko Rekwojarjar, rej barāinwōt “naan eo.”

Ij ba waj bwe n̄e jej jirok likatōttōt ilo naan an Anij enaaj kōm̧m̧an bwe jen (1) keememej, kautiej, im kōkajoorļo̧k koneekjen eo ad ippān Rilo̧mo̧o̧r im Jemān ikkijeen bujen ko im kain̄i ko an gospel eo me em̧ōj an jepļaaktok, im (2) jar, kōn aolepān ad, im en emakijkij ad kōjerbal jeje ko rekwojarjar im katak ko an rikanaan ro remour im rijilek ro rej jipan̄ kwaļo̧k kōn m̧ool eo. N̄e jej dāpdep im “jirok likatōttōt” ippān Irooj im oktak kōn katak ko An remour,²⁴ Ij kallim̧ur bwe kōj kajjojo jenaaj jeram̧m̧an n̄an “jutak ilo jikin kwojarjar, im jamin em̧akūt.”²⁵ N̄e jej pād ippān Kraist, E enaaj pād im etetal ippād.²⁶ Em̧ool, “ilo ran in ekajet ko an ro rekkwojarjar renaaj lañlōn, im mour kōn mool.”²⁷

Wōm̧aanļo̧k Wōt. Jirok Jab Eo̧roñ.

Ij kam̧ool bwe eļan̄n̄e jenaaj m̧ool n̄an bujen im kain̄i ko an gospel eo an Rilo̧mo̧o̧r me em̧ōj an jepļaatok n̄an kōj wōnm̧aanļo̧k wōt ilo jerbal an Irooj, n̄an jirok likatōttōt n̄an E āinwōt Naan in Anij, im n̄an jab eo̧ron̄ menin kapo ko an rikapo eo. Ilo iien jum̧ae kōn jim̧we, kōj kajjojo jemaron̄ bōk juon jāje, aeet “jāje in m̧ool ekajoor,”²⁸ ilo et eo ekwojarjar etan Irooj Jisōs Kraist, amen.