„Daníel og vinir hans,“ Sögur úr Gamla testamentinu (2022)
„Daníel og vinir hans,“ Sögur úr Gamla testamentinu
Daníel 1
Daníel og vinir hans
Neita að borða mat konungs
Konungsríkið Babýlon hertók Jerúsalem. Þeir tóku einhverja þá snjöllustu og sterkustu ungu menn frá fjölskyldum sínum í Jerúsalem og færðu þá til Babýlon til að þjóna konunginum.
Daníel og vinir hans voru nokkrir þessara ungu manna. Þeir voru útvaldir til að þjóna í konungshöllinni og verða vitringar hans.
Konungurinn gaf Daníel og vinum hans mat og vín, en þeir vildu hvorki borða mat konungs né drekka vínið. Það stangaðist á við boðorð Guðs.
Þjónn konungs hræddist um líf sitt vegna þessa. Hann annaðist Daníel og vini hans og hélt að ef þeir neituðu að borða mat konungs, þá myndu þeir verða veikbyggðari en hinir ungu mennirnir. Þá myndi konungurinn verða reiður og aflífa hann.
Daníel treysti samt Guði og vildi hlýða boðorðum hans. Daníel bað þjóninn um að gefa þeim vatn og grænmeti í 10 daga og gera síðan samanburð á heilsu þeirra og heilsu hinna ungu mannanna. Þjónninn samþykkti þetta.
Eftir 10 daga voru Daníel og vinir hans hraustari en allir hinir ungu mennirnir. Daníel og vinir hans fylgdu boðorðum Guðs og Guð gerði þá að vitrustu mönnum í konungshöllinni.