„Hersveit Gídeons“ Sögur úr Gamla testamentinu (2022)
„Hersveit Gídeons,“ Sögur úr Gamla testamentinu
Hersveit Gídeons
Treysta Drottni í orrustu
Ísraelsmenn nutu blessunar í mörg ár. Þeir tóku þá að óhlýðnast Drottni. Drottinn lét óvini þeirra, Midíaníta, taka mat þeirra og skepnur, til að auðvelda þeim að minnast hans. Ísraelsmenn voru hungurmorða, svo þeir minntust Drottins og báðu til hans um liðsinni.
Gídeon var maður frá fátækri fjölskyldu Drottinn sendi engil til að kalla hann til að frelsa Ísraelsmenn. Gídeon furðaði sig á að Drottinn skyldi velja sig.
Drottinn bauð Gídeon að eyðileggja staði þar sem Ísraelsmenn tilbáðu falsguði. Þegar Gídeon hlýddi því, reiddist fólkið.
Ísraelsmenn vildu Gídeon feigan. Faðir Gídeons tókst að sannfæra þá um að skaða hann ekki. Gídeon naut verndar.
Gídeon taldi sig ekki geta frelsað Ísraelsmenn. Það voru yfir 135.000 hermenn í hersveit Midíanítanna. Drottinn gaf Gídeon hins vegar visku og styrk.
Drottinn vildi að Ísraelsmenn vissu að þeir gætu sigrað með styrk hans, en ekki á eigin spýtur. Þótt Ísraelsmenn hefðu einungis 32.000 hermenn, bauð Drottinn Gídeon að senda heim alla hermenn sem voru óttaslegnir. Þegar 22.000 þeirra fóru heim, voru aðeins 10.000 eftir.
Drottinn sagði að 10.000 væri enn of margir hermenn. Hann bauð Gídeon að fara með hersveitina niður að vatninu. Þeir sem drykkju vatnið beint með munninum ætti að senda heim. Þeir sem notuðu hendurnar til að drekka vatnið ættu að vera áfram. Nú voru einungis 300 menn eftir.
Loks var Ísraelsher tilbúinn til að berjast. Drottinn sýndi Gídeon hvernig sigra ætti Midíanítana. Gídeon bauð hersveit sinni að nota lúðra og lampa til að hræða þá. Hávaðinn og ljósin gerðu Midíanítana svo ráðvillta að þeir tóku að berjast innbyrðis. Þeir hrópuðu síðan upp og hlupu í burtu.
Ísraelsmenn sigruðu hinn fjölmenna her Midíanítanna með einungis 300 hermönnum, vegna þess að Gídeon treysti Drottni. Drottinn frelsaði Ísraelsmenn.