Kaniko Riki nakon te Atua

Tibura te mwaane ae onoua ana ririki, Oli, e wetea arau ma banana n tangira “Poppy,” ana te bwai ae I karekea n te kaa. E tei tamana n tarataraia mai inanon te auti ao, n akea ana atatai Oli bwa mataroan te ka e rooka mang, ngke e a tia ni kaukia Oli ao e a manga kainna te kaa.Oli ngkanne e biri nako ma te moangare!

A bane n titirakina Oli kain te utu, “Ko kanga ni kauka mataroan te kaa,ao ni manga kainna?”E ti moangare.

Natira te aine, e taku, tinana, “Tao aekan kaukakin te ka iroun Poppy—tao ai kaniai mwaakam ae kamimi n aron te uarei !”

Ngke e a manga riki naba n te kauoua tai tabeua te miniti imwiina, ana kaeka Oli e a manga titiraki riki naba ibukin ana konabwai ae tibwa kunea:“E boni kamimi! I taku tao bukina e tatangirai Poppy ao bon raoraou, ao e tararuai!”

I a tia ni kakabwaiakaki bwa n atai bwaai aika a bon kamimi ake a tia n riki inanon maiuia. Aomata Aika aika Itiaki ni kabuta aonon Aberika, Papua New Guinea, Australia, New Zealand, ao aban te Betebeke. I boraoi n iango ma Oli—I taku bwa bukina bwa aomata aika a onimaki i ti tebo aia namakin ibukin te Tama are i Karawa ao te Tia Kamaiu n aron ae namakinna Oli ibukiu. A tangira te Atua n aron tangiran raoraoia, ao E kawakinia raoi.

A maaiti kaain te Ekaretia aika kona ni karekea, ao a mwaiti aika a karekea, te tia kakoaua n te tamnei ao ni karaoi berita aika tabu n ira te Uea. Ma ibukin anne,tabeman a nako Ina ao naake tabeman aki. Enga ngkane ae ko mena iai ngkoe?

E riai te Atua n riki bwa te kabanea ni kakawaki inanon maiura—ni koauana tina kabanea riki ara tai iai. E karaoia? Ke N tabetai e raroa nako man ana iango ma ana kaantaninga? (taraMotiaea 5:13). Uringnga bwa tiaki ti te iango ae nako mai nanora aika a kakawaki ma te bwai ae “nako” bon mai nanora?

Natira te mwaane Ben, ngke 16 ana ririki ao e taetae n te maungatabu n te titeiki, e titiraki te titiraki “Tera am namakin ngkana iai ae karaoa te berita nakoim ibukin te bwai teuana ni katoa wiiki ao e aki karaoa nanon te berita?” E reitia nako,“Ti kabanei raoi ara iango nakon te berita are ti karaoia ngke ti taua te toa ao ni berita bwa ti na kawakin Ana tua ao n Ururingnga n tainako?”

E anganiira te Uea kawai n ibuobuoki bwa ti kona n Uringnga Mwaakana are e na boutokaira. Teuana te kawai bon rinanon te karawawataaki bon te bwai ae ti bane n ataia (taraAramwa 32:6). Ngke i uring kanganga ake I a tia n rinanoi e matata bwa e oti mwiia n rikirakeu,otau, te nanoanga. A tia ni kaniai riki ma Tamau are i Karawa ao Natina ma atatai aikanne ao kaitiakau mai iai e a tia n riki bwa te bwai ae kakawaki irou.

Ana kairi T e Uea a rangin ni kakawaki. E buoka tarin Iareta ae onimaki n ana kanganga aika uoua ngke E tuangnga bwa e na kanga ni karekea te eea ae boou nako nanon te kaibuke are e a tia ni kabaaki ma te onimaki (taraIta 2:20). Ma, e kakawaki bwa e a tia, te Uea ni katikuiia ma aia kanganga bwa a na kanga ni karekea te oota inanon te kaibuke n aki buokaki n te tai ae aki maan.Ao E kamatata naba bwa Ngaia, te Uea, ae na kariaia tarin Iareta ao naake a mwananga ma ngaia bwa ana rinanon kanganga aika a irekereke ma te mwananga inanon te kaibuke are e kainnanoia bwa ana katoka aia kanganga bwa a na kanga ni karekea te oota n aia tai ni mwananga.Bon te Uea ae na karekea te ang,karau, ao te ieka (taraIta 2:23–24).

Bukin tera E na karaoa anne? Ao bukin tera E kauringiira bwa ti na kamaiura man te kanganga ngkai E boni kona ni katoka rikin te kanganga? Beretitenti Wilford Woodruff e karakina te karaki ngke e a tia ni kauringaki iroun te tamnei bwa e na kamwainga te aenika are a matu inanona ngaia ma, buuna, ma natina, akea bwa e a kakoaua karen te ang ae korakora man tabeka rake te kai teuana ao ni kabwaka iaon raoi te tabo are e tei iai (tara Teachings of Presidents of the Church: Wilford Woodruff [2004], 47).

N kanganga aika uoua aikai, e kona n ae bitaki kanoan te bong ni katoki kanganga. Ma aio te bwai ae kakawaki—irarikin are katokan te kanganga Irouna, te Uea e tangiria ni karikirakea te onimaki are e na buokira ni kona n onimaki Irouna ni katoki ara kanganga ao n Onimakinna.Ikai are ti kona iai n namakina Ana tangira, n ae korakora riki, e matata riki, ao bon imarenara ma Ngaia. Ti riki ni katiteuanaki ma Ngaia, ao ti kona n riki n ai Arona. Bon anne Ana kouru bwa ti na riki n ai Arona.N te aro bwa ti na riki n ai Arona bon Mimitongina ao Ana mwakuri (tara.Moses 1:39).

Te ataeinimwaane are e kataia ni kanakoa te tabo ae bareka irarikin ana auti bwa e aonga ni kona n takakaro ikekei ma ana kaa. Iai te bwaa ae bubura ae tuka ana mwakuri.Te ataeinimwaane anne e butuia ao e katikia ma korakorana ni kabane, ma e ngae ngke aekara korakorana ni kataia, ma e aki kona ni kaimwangaki te bwaa.

E tarataraia tamana teutana te tai ao imwiina e nakon natina ao e taku, “Ko kainnanoia ni kabongana korakoram ni kabane ni kamwainga te bwa ae buburana aei.”

E kaeka te ataeinimwaane: “I a tia ni kabongana korakorau ni kabane!”

E kaetia tamana:“Ko tuai.Ko tuai karekea au ibuobuoki!”

A uaia ni baraki ao ni kamwainga te bwa n akea te kanganga.

Raoraon taman Unimwaane Vinson e aranaki bwa Vaiba Rome, ana moan beretitenti n te titeiki Papua New Guinea, e reireinaki naba bwa e kona n reitaki nakon Tamana are i Karawa n taai aika e kainnano iai.Ngaia ma naake a maeka n te kaawa ma ngaia a maiu ti man uanikai aika a kai ikawai. N te bong teuana e kaura te ai bwa e na kaitiaka ana mwakoro n te kaawa bwa e na ununiki iai. E ngae n anne,ao aai e a tia n taonaki n te tai ni kabuebue ae maan, ngaia ae baa ni kai a rangin ni mwau. Ngaia ae a riki ana ai kanga ai aron te ai are e kabwarabwara Beretitenti Thomas S Monson n te maungatabu ae nako (tara, “te Ongotaeka e Uoti KakabwaiaEnsign ke Liahona, Maeei 2013, 89–90).E moanna ni butanako uran te ai nako aon uteute ao te buakonikai, ao n ana taeka natina te mwaane, e riki kanga “te ai ae korakora mani kakamaku kanga te man ni kaakang”. E maku ibukin te kanganga ae a rootaki iai raoraona n te kaawa ao riki ngkana a bua arokaia. Ngkana a bua arokaia, e kona ni katuaeaki iaan te tua man te kaawa. Bukina bwa e aki kona ni katoka uran te ai e uringa te Uea.

I taetae ngkai mairoun natina te mwaane, ae raoraou: “E katorobubua iaon te maunga n te buakonikai ao ni moana ana tataro nakon te Tama are i Karawa bwa e na katoka te ai. N te tai ae aki maan ao e noora te nang ae bubura ae roro ietan te tabo are e tataro iai ao e bwaka te karau ae korakora—tii iaon te tabo are ura iai te ai. Ma ngke e taratara nako ao iteran karawa ake tabeua a itiaki ma ti n te tabo are e bubu iai te ai.E aki kakoaua ae na kona te Uea ni kaeka te aomata ae aiarona, ao e a manga katorobubua riki ao n tang kanga te ataei ae uarereke. E taku bwa te namakin are e namakina akea n airon karewerewena” (tara Aramwa 36:3).

E tangiria ara Tia Kamaiu bwa ti na tangiria raoi nakon are tina kaboraoa ara kantaninga ma ngaia. Ti kona ngkanne n namakina Ana tangira ao n ata Mimitongina. Ngkanne E kona ni kakabwaiaira n aron are E tangiria. E riki aei nakon Nibwaai natin Ereman te mwaane, are e na nako n te tabo are e a onimakinna iai te Uea ao, ibukin anne, e a kona te Uea ni kakabwaia ni bwai ni kabane ake e bubuti (taraEreman 10:4–5).

Inanon Maiun Pi, te boki ae aki koaua ae koreia Yann Martel,rongorongon te aomata ae ninikoria e kamatata nanona ibukin Kristo. “I aki kona ni katoka Iangoana Kristo I teimatoa n aki kona.I kabanei teniua boong aika bwanin n Iangoia .Maanin iangoan Kristo inanon au iango ao e rangi ni kanganga ae n na mwaninga Taekana.Ao mwaitin kamatebwaian Arona, ao e na rangin ni kanganga Kitanakina” ([2001], 57).

Anne raoi aron au namakin ibukin te Tia Kamaiu. E teimatoa ni kaan, riki n taabo aika tabu ao n taai ni kainnano, ao n tabetai, ngkana I aki rangin ni kantaninga, I namakinna ae kanga E boboa angau n tuangai bwa E tangirai. I kona ni kaoka te tangira anne n oin au kawai ae aki kororaoi n anganakina kabin nanou ao au kantaninga (tara D&C 64:22, 34).

Ti tabeua te namwakaina n nako I tekateka ma Unimwaane Jeffrey. R. Holland ngke e tabe n tibwatibwaia mitinare nakon aia mition. Ngke ti a nako e tataningaai, ao ngke ti nakonako e katoka baina iaon angau. I tuangnga bwa e a tia ni katoka baina iaon angau n taai akekei i Aotiteria. E taku, “Anne bukina bwa I tangiriko!” Ao I ataia bwa e boni koaua.

I kakoaua bwa ngkana ti kona ni karekea te tai n nakonako ma te Uea n rabwata, bwa ti aonga n namakina Baina n taui angara n aron anne. N aroia ana reirei Iesu ngke a mwananga nako Emmauti, nanora ana “bue inanora” (Ruka 24:32). Aio Ana rongorongo:“Mai, noria” (Ioane 1:39). Bon ti imarenami, e kakukurei, ao e butimwaeaki n ana kakao n nakonako ma Baina iaon angara.

Au kantaninga bwa ti bane n namakina te aki nanokokoraki n aron Enoti, are e taekinna ni kabanean ana kibu n ana boki “Ao n na kimwareirei n te bong are e na riki iai rabwatau ae maamate bwa te rabwata ae aki maamate, ao e na tei imatana;ao n na kona n itaramata ma ngaia ma te kukurei,ao e na kangai nakoiu: Nako mai nakoiu, ngkoe ae ko kakabwaiaki,iai nnem are e a tia ni katauraoaki n ana auti ni maeka Tamau” (Enoti 1:27).

Ibukin atatai aika mwaiti aika I a tia n rinanoi ao te mwaaka are e a tia te Tamnei ni kakoaua nakoiu, I taekinna ma te koaua bwa e maiu te Atua.I namakina Ana tangira. Bon te namakin ae rangi ni karewerewe irou.Ti bia kona ni karaoa te bwai ae kainnanoaki ni kaboraoa ara kantaninga ma Ana kantaninga ao n Tangiria ni koaua. N Arana Iesu Kristo,amen.