Tararake

Ngke waniua au ririki, Ngai ma uoman ai tariu ti kamwanangaki nakon te taaun ae uaakan bwa ti na kabooi bwai aika a na kabonganaki ibukin 15 te bong.I taan rikaki, I tounako n aron onimakinara iroun tibu te unaine ma ai tinau ao ai tamau.N te ingabong ae e rangi nako raoi karawa bwa e rangi n otanako man raneanea akea bwa tia toka iaoia teniman ara aoti ao ni mwananga.

Tia toua nuukan te aba ae kiriuteute, e reke ara iango bwa ti na ruo mai iaon ara aoti ao ni kirimabora.Tia bae nako n takakaro.are ike ti aki noori “kanikinaean ae e a boong ” akea bae e a rabuna karawa te nang ae roro ietan atuura.Ao ngke tia nooria bwa terana ae nang riki, e aki tau ara tai n toka iaon ara aoti. E korakora bwakan te karau ike tia rotaki iai e rotaki naba ubuura ni bwakana ae rangi ni korakora,a kaea ara iango bwa tera ae ti nang karaoia ma te bwai are ti kona ni karaoia tina bon kanakoi kaintekateka mai iaon taian aoti ao ni kamanoira iaan te burangketi.

A akea ara aoti, ti mwaimwai, ao e a roko iroura te mariri, ti reitanako mwanangara, ni kawaekoaira ni mwananga n aron are ti kona. Ngke ti a roko n tokin kawaira, ti nooria bwa te kawai are e rababa nakon te taaun e a iekaki nakoaki n ranin te karanga ae maiinetiira.Ngkane tia bwairea ara rinerine bwa ti na karuoi rabunara ao n tamwarakea te oo ae te bwaabu uaea are e nakon te taaun. E a bon nukanibong te taai anne akea bwa, ti a kua ao ni marakiraki ao ni mara, ti kakaea katanara n te moan mwenga are ti nooria ngke ti roko n te taaun.Iai te utu ae a tamaroa are e mena ikekei ao ti kauaria bwa ana buokira ni kamauiira, a kamwarakeira n te biin burritos ae kangkang ao a anganira ara ruu ni matu.N te tai ae waekoa ao ti kunea bwa te ruu are ti wene iai e barekareka ma ana burooa, ngaia are e reke riki ara iango teuana ae tamaroa.Bwa tina korea tamnein te mronron iaon te burooa arei ao n reitanako ara kirimabora ni karokoa are e a roko iroura te kua ike ti a bwaka ni matunako iaon tano.

Ngaira ataei ti bon tii tabe n iangoira.Ti aki tabe ma ake a tangiriira bwa ngaia aika arangi n tabeaianga ibukira akea bwa a bora ni kakaeira—ngke arona bwa tiaki kinimabora bwa tia bon karaoa naba te bwai are tina riai ni karaoia, ao ana bon akea te bwai ae e na riki nakoira.Ao, ngke arona bwa ti wanawana,ni kaman tararake n taraa karawa, ni kinaa te nang ae toka i aora ao tina bon waekoa n, n aki reke man te angibuaka.Ngaia are kai I atia ni karekea taekaki ni kanganga aio,Ao E kauringai:bwa n aki mwamwaninga n tararake.

Te kanganga are tia tia n rinanona ma ai tariu aikai e reiakinai bwa N na riai ni iangoia raoi bwa tina riai ni wakoa ni kinai kanikinaean ara tai.Ti maeka inanon boong aika angibuaka, ni kamamate e kabwarabwaraa Bauro: Ba ane a na riki aomata ba tan tangiria i bon irouia…tan aki iri nanoia aia karo, tan aki itiaki,…tan aki tau bangia, tan tautau aroia…tan tangira riki te maie nakon te Atua” (2  (2Timoteo 3:2–4).

N taetae ibukin taai aikai, e taku Unimwaane Dallin  H. Oaks:“Ti kainnanoa te katauraoi iaon te maiu n rabwata ao n tamnei.…Ao te katauraoi aei kanga aiaron are karako aron noorana ao ni matoatoa riki.—te maiu n tamnei”(“Preparation for the Second Coming,” Ensign or Liahona Meei 2004, 9). N taekana teuana, tai katoka te tararake.

N anganakia kainnano te tai ae tawe ibukin te katauraoi n te maiu n tamnei n te tai ae kamamate, I kan anga au kauring ibukin kanikinaean taai aika matoatoa. E rimoa nanou iaon bwai n rabakau ibukin maiu ae kan ataibwai, ngaia are I a kinaa kakawakina, ai moarara riki n aron te reitaki. Ibukin rongorongo ae a karaoaki irouia aomata, e bebete ao e kai rinnako, Ma te intanete e onrake ni baika a bareka ao ni kairibuaka.Atatai iaon bwai n rabakau a katamaroa inaomatara n taetae, ma e anga baika kaairua nakoia taan wareware ake akea aia atatai.Aei bukina ngkai, ni bwaai ni kabane, ti riai n uringa te reirei ae akea tokina aei:“Man kinaia uakekei n uaaia” (Mataio 7:20).

Ai moarara riki, I kauringngkami bwa kam n aki mataku n tamnei aika tangako ke n aki ongo nakoia taan kabuakaka Kristo ao te Burabeti Iotebwa Timiti. Mwakuri aikai a kona ni karika te kanganga ao e kona ni kabua te Tamnei ae Raoiroi ma Ibukin kamanom, Te buakaka ao te aki kukurei n taai nako e na iriria.

Tariu ao mwaaneu aika tangiraki, ngkana kam kuba n rinanon te bwai are e na kararaomaea ami koaua ibukin te euangkerio, I bubuti ngkami bwa kam na tararake.Taraa te Buoka ibukin te rabakau ao te koaua.Kakorakora am onimaki ao am koaua n ana taeka te Atua.Iai ake n te aonaaba ake a ukoukora kamamaraan am onimaki man renganan mate kewe ao iteran te koaua. Aei bukin kaangaangana bwa ko na teimatoa n tau ao ni karekea te Tamnei.Ana iraorao te Tamnei ae Raoiroi tiaki tii te bwai ni kukurei ae tauraoi—e kakawaki nakon kamaiuan tamneim. Ngkana ko kawakin ana taeka Kristo ao ni kakaungo nakon ana wirikiriki te Tamnei, ko na aki mwamwanaki (tara }Joseph Smith—Matthew 1:37).Ti riai ni karaoi iango aikai.

Iesu Kristo, ngaia are e kororaoi, ao Iotebwa Timiti, are e kaotia bwa e aki, a kaai n tiringaki irouia taan bukibuki aika kewe ake a aki butimwaea aia koaua. Ti na kanga n ataa aia koaua bwa e koaua—bwa Iesu Kristo bon Natin te Atua ao Iotebwa Timiti bon te burabeti ae koaua?

“Kam na kinaia uakekei n uaaia.” E kona te uaa ae tamaroa n riki man te kai ae buakaka? I ataia i bon irou bwa e a tia ni kabwara au bure te Tia Kaboai ao ni kainaomatai man amou ae onoti, n uotai nakon te tabo ni kakukurei are I aki ataia ae iai. Ao I ataia i bon irou bwa Iotebwa Timiti bon te burabeti ibukina bwa I a tia ni kataa te berita n ana Boki Moomon “Butiia te Atua,te Tama ae akea Tokina, n aran Kristo.Moroni 10:4N taekinana ae bebete tararake.

Iai tabeman ake a iangoia bwa e riai n iai am koaua n te rabwata bwa ko aonga ni kakoaua Mangautin Kristo ke koauan Ana euangkerio are e a tia ni kaokaki. Ibukia ao I anaa ana taeka Aramwa nakon Korioa, are e kataia ni kaumakia tabeman bwa a na aki kakoaua:“Ko a tia ni karekei kanikina aika a tau;ko na kariria Atuam? Ko na kangai, Kaota nakoiu te kanikina, ngkai ko a kareka aia taeka ni kakoaua tarim aikai, ma burabeti ni kabane aika a tabu? A wene i matam koroboki aika tabu”(Aramwa 30:44).

Ngai ma ngkami ti maiuakin koauan ana kabomwi te Tia Kamaiu.Ti maiuakin kakoauan ana mwakuri te Burabeti Iotebwa Timiti ao aia kakaonimaki aika Itiaki ake ngkoa a teimatoa inanon aia koaua.E a butanako ana Ekaretia Iesu Kristo n te aonaaba ni kabuta ao e rikirake tiaki n aron are mai imwaaina—ni kakoauaki, n aron are n ana tai Kristo, irouia aomata aika nanorinano ake aki kainnanoa noorana ao ringana ni kakoaua.

Akea ae ataia bwa n ningai ae e na manga roko iai te Uea.Ma n taai ni kaangaanga ngkai a mena iaora.N te bong aei bon te tai n tararake nakon te Buoka n koaua are a boni matoatoa.

N kaokakin riki te bwai are I rinanona, I uti ngai ma ai tariu n te moaningabong iaan otamwaakan taai ma te nang ae koro tamaroana. E karebwerebwe te mwaane iaon au mataroa bwa e kakaia teniman ataeinimwaane aika bua.E katauraoi taian aoti ibukin mwananga, ao ti a moana mwanangara n oki nakon mwengara rinanon te aba ae ti moan kaitibo mangaia are kiriuteute. N na bon aki kona ni mwaninga te bwai are ti nooria ni kawaira n okira mwengara—te uanao n aomata ake a buoka naba te kakae ua te bong, aia turakita ma aia turaki a bae n te bokaboka. A kunea te bwai n tekateka ao te aoti ikekei, ao ngke a noorira n okira mwengara, I a kona n namakinna ae e korakora irouia aia tangira.N te kawai n rinnako n te taaun,a maiti Aomata aika tataninga ibukira, ao n tei imatau bon tibu te unaine ao ai tamau ma ai tinau.A rabwatiira ao a tang, a kimwareirei ngkai a kuneia natiia aika bua.Bon aei te kauring nakoiu bwa Tamara are i Karawa e tangira e ataira.E ingainga ni kakantaninga okiran mwengara.

Eng, a maaiti kanikina ibukin angibuaka aika riki aika katobibira. Ti na tararake ao ni katauraoira.Iai te kamanoaki inanon te kakoaua ae matoatoa.Ti na kawakin ao ni kakorakorai ara koaua ni katoa bong.

I ataia bwa ti kona ni maeka ni kabane ngaira te utu n aki toki, bwa Tamara are i Karawa ae tangira e kakantaningaira, natina, ma baina aika tangaina. I ataia bwa Iesu Kristo, te Tia Katan,maiura.N aron Betero, ba e aki kaota aei nakoim te iriko ma te rara, ma e kaotia Tamau are i karawa.(tara Mataio 16:15–19).N aran Iesu Kristo ae tabu, amen.