Got Ra Rin’ E Ban’en Nib Ma’ang’ang
Got ke taermedliy e bitir Rok nge Galasia Rok ko chingyal’.
Nap’an kar tawgaed nga Salt Lake Valley, pi Gidii’en Got ko Tin Tomur e Rran kar tababgaed ningar toeyed e temple nib thothup. Kar thamiyed kar piryeg’ed e tafen ningar liyoergaed Got ufithik e gapas nge puf mat’awoy ko tugthin.
Machane, nap’an kar mugu’uliyed e dayif ko temple ngan m’ay, keb ulungi salthaw ko United States ningar pii’ed reb e governor nib be’ech.
Bachan dar nanged pi tiyugang’ ko Galasia mang ra rrin’ pi salthaw, Brigham Young kar pinninged pi Gidii’en Got ningar chuwgaed mar k’eyag dayif ko temple.
Gube lemnag boech e chongin fare Galasia kar lemniged mang fan e muruwel roraed ningar toeyed gil’ungun Got kan ta’leged.
Machane, u m’ay e salthaw, ka kar upnguyed e dayif ko temple mar guyed riy’. Me yibi buch boech e tatoey e pioneer kar pir’yeged boech e malong nib sandstone ko dayif kan kirebnag, dabiyoeg ningar manged dayig ko temple.
Aram fan, Brigham ke fek loen pi malong nem ko Granite nib gaa’,1 mab gaa’ gelngin e dayiy ninge ayuweg pi rungrung ko fare Salt Lake Temple nib fel’ usun.2 U tomur, pi Gidii’en Got kar yin’ed fare tang nib “How Firm a Foundation”3 mar nanged ni kar toeyed e temple nib thothup roraed nga dakaen e dayig nib gel nira yaen ko n’uw nap’an.
Re chepin ney ba fil ngodaed urrogon e Got ba ngongoliy e togopluw ninge yoeg pi fan Rok.
E M’ar ko Fayleng
Fa’an gama nang re ya’ar ney ni woed rogdaed daba’, bachane nib riyul’.
Dabgu lemnag ni bay reb e bee’ nibe rung’ag e lamag fa biy’eg pi thin rog ni dabki gafgow ko re m’ar ko fayleng ney.
Ngak pi gidii’ nibe kirebaen’raed ko yam’ e chongin tabinaew fa fager, gamaed be un e kirebaen’med. Gamaed ba wenig ngak e Chitamangdaed nu Tharmiy ninge gol nogmed ma ayuwegmed.
Pin’nen nib kireb ko re m’ar ney ba yaen ko downgin. Bo’or e tabineaw kar n’ag e salpiy mar gafgowgaed ko bilig, kirebaen’, nge tamra’. Gamaed ba falflaen’ ni fan e ngongoliy e gidii’ ningar ta’leged e garar ko re m’ar ney. Gamaedba sobutaen’ ni fan e maligach nge ngongoliy e gidii’ kar pii’ed e fel’ rograed ningar ayuweged, golnoged, mar ayuweged e gidii’ nib t’uf. Gum’racha’daed kan suged ko magaer nge gol.
Gadadba meybil nib gaa’ ngak Got ninge bing pi windaw ku tharmiy ninge sug pi yafas romed ko tawa’ath nib manemus rok Got.
Gadad Pi Awoch
Bay bo’or e ban’en nin dad nanged fan ko re virus ney. Machane ba ta’areb e ban’en Guma nang, re virus ney dabki yib ni de nang fan Chitamangdaed nu Tharmiy. Dabi t’uf ninge pinning bo’or ulungi angel nib salthaw, pinning e mo’olung, fa thilyeg e chugum ko sunmiy e fayleng ninge fulweged e magowen.
Milwol rog daba’ ni arragon dariy’ ba ke fith ko re m’ar ney, machane Got ke taermedliyed e bitir Rok nge Galasia ko re ningyal’ ney.
Gadadra athamgil, arragon. Machane ngad rrin’ed bo’or ko athamgiliy, muruwel, ngad soengaed nin suloed e ban’en ni ta’abrogon u somm’on. Gadara athamgiliy, ra soer ningad manged nib fel’.
Sorok’ ko n’en nike yog, gadadba awoch. Ninge gaa’nag pi awoch, thingar ningan upnguyraed ou’moon ningar yinged. Gube pii’ e m’ag nin nap’an e ningyal’ ney ngad thamiyed ni woed rogon kan upnguy daed u but’ ko pi sikeng e yafas fa ufithik e tin lamor ko thamtham, t’ufeg Got nge pi ta’awth ko fare gospel ku Yesus Kristus kan sulweg ra yoeg e ban’en nib ma’ang’ang.
Pi Taw’ath Bay Yib Udakaen Tin Moem’aw
Urngin e mfen kar nang e sikeng fa gafgow.
Enoch nge gidii’ rok kar paered nap’an e ningyal’ ko kireb, mael, nge maap racha’en. “Machane fare Somoel ke yib ma paer ko gidii’ rok.” Ke yarmiy e banen nib ma’ang’ang ni fan raed. Ke ayuwegraed ningar yarmiyed Zion—e gidii’ ni ta’abgaed “ko gum’racha’raed ta’areb laniyaen’raed” ni kar “paered ufithik e mat’aw.”4
Joseph ni Pagael, fak Jacob, kan yin’ ulangin e loew, kan pii’ ni sib, ke chuweg ngak ni go’.5 Joseph ke lemnag mang fan Got ke pagatilin marunga’gen. Bay e ban’en nib ma’ang’ang ke yarmiy Got ni fan Joseph. Ke ngongoliy re ningyal’ nem ko gafgow ninge gelnog e laniyaen’ Joseph ma pii’ ir ninge thap e tabinaew rok.6
Mu lemnag marunga’agen Joseph Smith fare Profet nap’an ke paer u kalbus ko Liberty Jail, ke wenig nag nib gel ni fan e gapas ngak pi Gidii’en Got nibe gafgow. Sana ke lemnag urrogon ningan yarmiy e Zion ko ningyal’ nem. Machane Somoel ke yoeg gapas ngak, nge yi’iy nib ma’ang’ang ke pii’ u tomuren ke pii’ e gapas ngak Gidii’en Got—nibe pii’ e gapas ngodaed.7
Ina yay nap’an e duw ko Fare Galasia ku Yesus Kristus ni fan e Gidii’en Got ko Tin Tomur e Rran kar tolulgaed ufithik e kirebaen’ mar lemniged ke pagtalin Got marunga’raed? Machane udakaen fatin gafgow, kirebaen’, nge lii’ ngar m’aed, en Somoel Got ku Israel ke yarmiy reb e ban’en ni fan ulungi saaf Rok. E ban’en nib ma’ang’ang.
Mang ningad fil ko pi sasun ney—nge reb ni biyu’ e chepin e babyor nib thothup?
Bin somm’on: Pi gidii’ nib mat’aw darma chuweg ko loew ko lumor. Gadaba nang e ningyal’ nib moem’aw, bachan nap’an e ningyal’ nib moem’aw gadadba fil e kenginn nibe gay gelingdaed ma yoeg dad ningad chuchugurgaed ngak Got.
Bin La’agruw: Chitamangdaed nu Tharmiy ma nang gadadba gafgow, ma bachan pi bitir Rok, Dabiyoeg ninge chuwgaed.8
Mu lemnag marunga’agen fa cha’ nib Gol, en Tathapeg, nike ngongoliy e yafas Rok ninge ayuweg e gidii’ nib malog, yigo’, fa muluwaen’daed mar gafgowgaed.9 Gaba lemnag Dani t’ufeg marunga’am daba’?
Pi fagar nib t’uf rog, pi walageg nib mo’on nge ppin, Got ba matanguymed irba tachothowliy med nap’an e ningyal’ ney ko chelchel ma tamra’. Irma nang marunga’med. Irbe rung’ag e meybil rom. Irbe michaen’ mag thamgily rok. Irra fulweg e micheg Rok.
Got ke yarmiy e ban’en nib ma’ang’ang ni fanam ma Galasia—e muruwel nib gaa’ ma an’ang.
We Thank Thee, O God, for a Prophet
Fapi rran ni tha’abi falel’ ni bay yib, gathi ke yaen. Aram fan Got ba pii’ ngodaed e thogthog ko tiney e rran! Fa’an dariy’, yafas ni ra yaen ni dariy’ e taw, nibe soen nira thang e lumor ningad tawgaed ufithik e gapas. Pi fan ko Somoel niba tolang ko laniyaen’daed. Bachan i’ir fare Galasia ku Kristus nibe Fas, ma Irma powiy’e pi profet Rok, thingar ningad dared nga somm’on nib tolang, nga e tafen daworiy nanged, mab gaa’ tolang e laniyaen’daed!
Chiney, dani yib fan ni dad nanged e chelcehl nap’an e flight rodad ko yafas. Dani yip fan dad kirebnaged pi talin, fa mechanical ba kireb, fa kireb ko weather. Arragon, pinn’en ra kireb ou’moon ningan fi’leg.
Nap’an kug dramrom e skuki ko cham nge milekag, Kug fil dabiyoeg Ningu me’leg e magawen bay yib Ngog nap’an e dramrom, rayog Ningu me’leg urrogon Ningu taermedliy Ngu fulweg ngak. Ban’en nib t’uf nap’an e ningyal’ ko magawon ni’iur e gapas nge pagaen’ ko laniyaen.
Urogon ningad rrin’ed pin’ney?
Ngad guyed fatin riyul’ ngad pugurrangaed pi kenginn e dayif, pi kenginn nib moem e gospel, nib gaa’ fan. Ngad gelnoged e ngongol romed ko tiliw rom—woed rogon e meybil nge biy’eg e babyor nib thothup man fol po motochiyelen Got. Ram tay e me’leg udakaen e kenginn nib riyul’
Mu puluwnag ko ngongnol rayog ningam rrin, gathi ko ngongnol dabiyoeg ningamd rrin’.
Mu piryeg e mich rom. Mu motoyil ko fapi thin nibe powiy’ rok Somoel nge pi profet Rok nira powiy’ ngom nga tafen nib fel’.
Mu pugguran, ireray e Galasia rok Yesus Kristus—Irba powiy’.
Mu lemnag marunga’agen fatin nib ma’ang’ang ke buch ko fabiney e duw. Gube weliy’ boech:
-
Kan puluwnag e sacrament ninge kenginn e liyoer rodad nap’an fare rran ni Madnom.
-
Moy, Mu Lekeg kan pii’ ninge yoeg e talin ko tabineaw, nibe ayuweg e Galasia ninge gelnog e gidii’ nge tabinaew.
-
Kug tababgaed reb e machib nib tolang, nib thothup ngak reb e gidii’.
-
Ngongoliy e technology ningad pii’ e gospel mag rrin’ed e muruwel rok Somoel ko Galasia rok.
Arragon pi mo’olung ney ko general mo’olung dabki buch fa’an dariy’ re talin nem.
Pi Walageg, nap’an Kristus ba powiy’, dani mus ninge fel’rogon e ban’en, nira mang gaa.
Fare Muruwel Ningan Mukungaed Israel Ba Yaen
U somm’on gaba lemnag e m’ar ko fayleng ra dibchaynag e muruwel ko Somoel. Woed rogon, fapi rogon ningam machibnag kafram fare gospel ni dabiyoeg daba’. Machane, fare m’ar ke dag reb e rogon nib fel’ ningam non ngak e gidii’ ni yul’yul’ e gum’racha’raed. Fare murwel ni ngan kunuygad e tabinaew ko Israel ba yaen ufithik e gelngin nge fel’ laniyaen’ Bo’or i biyu’ e chepin ni ra dag.
Reb e fagar rog nibe paer u Norway nib fel’ ke yoloey maruna’agen boech e tawfe ke fini buch. “Ulan e binaew nibe chigchig e Galasia,” ke yoloey, “chi lud ko gak’iy ke mang gaa’, ma pi branch kar manged e ward!!”
U Latvia, reb e ppin ke piry’eg fare Galasia nap’an ke me’leg reb e ad ko internet ba’adag ninge fil marunga’agen e gospel ku Yesus Kristus ke yib nga mo’olung rok nib papay ko ta’areb e awa, ma ou’moon pi missionary kar mu’ew bin somm’on e machib ke fith ko rran ninge tawfe.
U Eastern Europe, reb e ppin ke thapeg e call ko pi missionary ke yoeg, “Sisters, mang fan dabkum callnog u somm’on? Kug soen!”
Bo’or e missionary rodad ba muruwel nib gel ko somm’on. Bo’or ba fil ngak bo’or e gidii’ u somm’on. Bay e tha’ nib gaa’ ko chongin nge pi missionary.
U somm’on, sana ngad folgaed e yalen machane re m’ar ke bing e oewchdaed. Sana kad toeyed e malong ko sandstone nap’an bay e granite ningad ngongoliyed. Arragon, chineg ngad filed urrogn ningad ngongoliy pi talin ney, arragon technology, pinning e gidii’—u rrogon nib fel’—ningar baed mar guyed, baed mar ayuweged, baed mar uned.
Muruwel Rok, Yalen Rok
Aray rogon e muruwel rok Somoel. Irba pinningdaed ningad piry’eged e ngongoliy Rok ningad rrin’ed, sana nib thil ko e nang fan rodad u somm’on.
Ke buch ngak Simon Peter nge reb e gachalpen nap’an kar fita’ ko fare dai ko Tiberias.
“Ma dar koled ban’en.
“Ma nap’an ni be puf e woch … [yib], sak’iy Jesus nga dap’e ran. …
“Mon’ed e nug romed nga [maran] u ba’ ni mat’aw ko bowoch, mi gimed kol e nig.”
Ma aram miyad yin’ e nug rorad nga maran, ma dakiyag ni ngar girngiyed ngalan e bowoch, ya ke sugnag e nig.”10
Got ke dag ma irra thamgiliy ninge dag e Paa’ nib gubin e rayog Rok. Bay yib fare rran nap’an gadadra sap nga somm’on ngad nanged ni nap’an e ningyal’ ko togopluw, Got ke ayuwegdaed u rogon nib fel’—rogon Rok—ningad toeyed e gil’lungun Rok nga dakaen e dayif nib gel.
Gube pii’ e m’ag rog ni ireray e muruwel rok Got ma Irma ngongoliy e tin nib ma’ang’ang ufithik e bitir Rok, e gidii’ Rok. Got ba koeldaed u paa’ nib gol e paa’ngin.
Gube pii’ e m’ag ni President Russell M. Nelson i ir e prophet nifan e rran rodad.
Arragon I gag e Apostle ku Somoel, Gube pinningmed mug taw’athnogmed ningam “rrin’ed ufithik e falflaen’ urngin e ban’en u rayog [rom]; me yibi buch [damu] mitmit, nib fel’ laniyaen’med, ningam guyed thapeg rok Got, ningan dag e paa’angin.”11 Gube micheg Ngom ni Somoel ra ngongoliy e ban’en nib ma’ang’ang udakaen e muruwel nib mat’aw rom. U dakean fithngan Yesus Kristus, amen.