Ako mapasalamaton sa Liahona sa akong kinabuhi. Ang akong pamilya ug ako migamit sa Liahona sa leksyon alang sa family home evening ug sa pagtabang sa mga investigator nga mas makakat-on kabahin sa Simbahan. Ang dakong bahin, ang Liahona nagtabang kanako nga maglambo. Pinaagi sa mga artikulo ako mibati og dakong tinguha nga magbuhat og mas maayo, ug ako naghimo og mga tumong nga may kalabutan sa mga panudlo nga gihatag gikan sa mga artikulo. Ako nahigugma sa gipahiuli nga ebanghelyo ni Jesukristo ug ang kahigayonan nga gihatag niini kanato nga maglambo matag adlaw.

Ang Liahona usa ka dako nga panalangin, ug ako malingaw kaayo sa pagbasa niini. Usahay himoon nakong usa ka regalo ang Liahona aron ang ubang mga tawo makaangkon og espirituhanong kasinatian sa pagbasa niini. Ako ganahan kaayo sa pamulong ni Presidente Thomas S. Monson sa Abril 2008 nga mga pahina para sa mga bata nga giulohan og “Tulo ka mga Taytayan.” Ang tanang mga butang nga iyang gisulti kanato mga importante alang sa espirituhanong kalinaw ug sa pagpuyo og kinabuhi pinasubay sa mga sugo sa Ginoo. Ang Liahona talagsaon, epirituhanong pagbasa.