Paghimo og Kalinaw uban sa Iyang mga Kaaway

Usa ka adlaw niana samtang ang Propeta mibisita sa iyang mga ginikanan didto sa FarWest, pundok sa manggugubot midasmag sa may pultahan.

Kinsa kaninyo si Joe Smith?

Ania kami aron sa pagpatay kaniya!

Si Joseph migawas dayon, mipahiyom sa mga lalaki ug milamano sa ilang mga kamot.

Ako si Joseph. Nindot nga nahimamat kamo. Palihug, sulod ug lingkod.

Ang mga lalaki mitutok nga wala makatuo sa Propeta samtang siya nagpadayon sa pagsulti.

Kami nga mga Mormon mituo ni Jesukristo ug gusto lang og kalinaw. Apan dihay daghan namong pagpanggukod niining milabay nga mga bulan sukad sa among pagbalhin sa Missouri. Sa akong nahibaloan, walay usa kanamo ang nakasupak og balaod. Apan kon kami nakasupak man, andam kami nga husayon sa balaod.

Mama, siguro mopauli na ko. Si Emma nagpaabut na kanako.

Dili ka mopauli nga mag-inusara, kay dili luwas.

Mouban kami kanimo ug mobantay kanimo.

Salamat.

Mosaad kami sa pagbungkag sa manggugubot ubos sa among kamandoan ug mamauli.

Kon ikaw nagkinahanglan kanamong tanan, mobalik kami ug mobuhat unsay imong gikinahanglan.

Sa gawas sa balay sa mga ginikanan ni Joseph, ang ubang mga lalaki naghisgot sa ilang pagkakita sa Propeta.

Wala ba kamo mobati og katingalahan sa dihang milamano siya sa inyong kamot? Wala gayud nako batia sukad sa akong kinabuhi.

Akong gibati ingon og ako dili makalihok. Dili nako unsaon ang bisan usa ka buhok nianang tawhana alang sa tibuok kalibutan.

Mao kini ang katapusan nga higayon nga kamo makakita kanako nga maninguha sa pagpatay ni Joe Smith o sa mga Mormon.