Gikan sa Pagluwas sa Bondi ngadto sa Pagluwas sa Baguio

Si Blake McKeown, mas nailhan sa kadaghanan isip usa ka “bag-ong” lifeguard sa salida sa telebisyon sa Australia Pagluwas sa Bondi, mibiya sa iyang pwesto sa dagat sa miaging Mayo aron sa paghimo og laing matang sa pagluwas. Siya midawat sa iyang tawag sa misyon nga moalagad sa Baguio, Philippines. Siya mipakigbahin niining mga balita ug sa iyang mga pagbati sa mga kauban ug mga mananan-aw sa salida sa telebisyon.

“Sa dihang akong nahibaloan nga ako moadto sa Pilipinas, ako naghinamhinam pag-ayo,” siya miingon. “Ako siguradong mingawon sa dagat, apan ang pag-adto og misyon importante alang kanako. Kini usa ka butang nga akong gipangandaman sa akong tibuok kinabuhi.”

Si Blake miingon, “Walay laing butang nga gusto nakong buhaton sa nangaging duha ka tuig kaysa magtrabaho sa may dagat—kini ang labing nindot nga trabaho sa kalibutan—apan sa sunod duha ka tuig walay laing mas maayo nga akong gustong buhaton kaysa moalagad og misyon. Ang Simbahan ni Jesukristo sa mga Santos sa Ulahing mga Adlaw dili lamang usa ka relihiyon nga ikaw mahimong makasulti nga kabahin ka niini; kini usa ka relihiyon nga kinahanglan nimong puy-an. Kini ang akong kinabuhi. Ako mahimong lahi gyud kaayo nga pagkatawo kon dili pa tungod niining Simbahan.”