Saunia e Faia Papatisoga mo e ua Maliliu

Ia faatuatua ia Iesu Keriso. Ia papatiso ma faamauina o se tagata o Lana Ekalesia. E tatau i alii ona umia le Perisitua Arona.

Tausi ia poloaiga ma faia ni filifiliga lelei. Salamo pe a e faia se mea sese.

Fai se faatalanoaga ma lau epikopo po o le peresitene o le paranesi. Afai o e agavaa, o le a ia tuuina ia te oe se pepa faataga o le malumalu e faatapulaa le aoga.

Fesoasoani e fai le galuega o talafaasolopito o le aiga ina ia mafai ona e aveina igoa i le malumalu, pe afai e mafai.

Suesue i tusitusiga paia ma mekasini a le Ekalesia (e pei o le Liahona o Oketopa 2010) lea o le a fesoasoani ia te oe e te malamalama ai i galuega o le malumalu.

Ofu ou ofu lotu. Ia mama ma selu faalelei le lauulu.

Faitau i tusitusiga paia po o mekasini a le Ekalesia, po o le faalogologo i musika musuia.

Tatalo ina ia lagona le Agaga Paia pe a e i ai i le malumalu.

Aua nei aveina ia tusi, mea faaeletonika, po o musika pe a e alu i le malumalu lea o le a le fesoasoani ia te oe e lagona ai le migao.

O le a tuu atu ia te oe laei papae e sui ai. O le paepae o se faailoga o le mama a’ia’i ma le tumama.

E ono mafai ona e matamata i le faatanoa vai o le papatisoga ao papatiso nisi mo e ua maliliu.

Ao e faatali, e mafai ona e tatalo ma mafaufau loloto. O le malumalu o se nofoaga faapitoa e mafai ona e latalata ai i le Tama Faalelagi.

O le a faamauina oe mo tagata ua uma ona faatinoina o latou papatisoga.

Mafaufau ia i latou na e papatiso ma faamau ai ma faamanuiaga o le a avanoa nei mo i latou ona o lau auaunaga i le malumalu.