E le o i ai se paranesi a le Ekalesia i le nuu o loo matou nonofo ai, ma e faigata ona faagasolo se vaiaso atoa e aunoa ma se fesootaiga ma isi tagata o le ekalesia. O le lagona matou te maua pe a matou faitau i se tusiga po o se lauga mai le Liahona e faapea, o le tagata na tusiaina o loo talanoa tonu mai lava ia te i matou. O le maua o tuleiga a le perofeta i totonu o lo matou fale o se faamanuiaga lea e le mafuatia. O le auala lenei, matou te lagonaina ai le fesootai malosi atu i le Ekalesia e ui lava ina matou nonofo mamao mai i se falelotu.

Faafetai mo le faamanuiaga maoae o le mekasini—o masina taitasi ou te maua ai savali e faagaeetia ai lo’u loto. O fautuaga tatou te maua mai sui o le Korama a Aposetolo e Toasefululua e aumaia ia te au le malosi ma faatumulia ai lo’u agaga i le faatuatua.

O se tasi o a’u sini o le faitau o le Liahona i masina taitasi. O vaega uma lava o le mekasini e fesoasoani ia te au ia ou avea atili ai e faapei o Iesu Keriso. O se tasi lea o auala e tali mai ai e le Alii a’u tatalo.