Sierra Leone

I le 1981 sa faalogo ai se tagatanuu o Sierra Leone o, Michael Samura i le talalelei i Holani ma papatiso ai iina. Ina ua toe foi o ia i Freetown, le laumua o Sierra Leone, sa ia talosagaina ni faifeautalai, ae ona e lei sauni le Ekalesia e auina atu faifeautalai iina, na o tusi faitau o le Ekalesia na auina atu ia te ia. Na amata ona aoao e Uso Samura isi ma faia ni fonotaga faasamasamanoa. O tagata o le ekalesia o e na papatiso i isi atunuu ma ua toe foi atu i Seirra Leone na faia foi lea tulaga.

Sa avea le tausaga 1988 ma tulaga maualuga mo le atunuu. Na pulefaamalumalu i le uluai fonotaga aloaia ia Ianuari se tagata o le ekalesia o le na papatiso i Siamani. Na taunuu ia Me ni ulugalii faifeautalai se toalua, ma o Iuni na faataunuu ai ia uluai papatisoga e 14 i totonu o le atunuu. O Aokuso na faatulaga ai le uluai paranesi—o le Paranesi a Goderich—. Na suaina le eleele i le 2004 mo le uluai falelotu o le Au Paia o Aso e Gata Ai i Sierra Leone.