Te Kunnikai ae Riai

Tinau e kaira Anna ni bobwai ni kaboa kunnikaina ae boou.

E uara ae teuana aei?

Tiaki, ko rabwa.

E tamaroa, ko tangira ae babobo ae uee ke ae uraura ae mata kotokoteaki?

Ma ko tangiri kaara aikai. Tera ae ko tangiria n oneanimwina?

I tangira teuana mai ibuakon kunnikai aikai bwa I aonga n taraki n aekakia mitinare.

Ngaia. Ti na noria ngkana ti kona ni kakaea te kunnikai ae tau iaom.

Anna e tangiria uoman mitinare aine inanon ana uoote. A iobai ma ngaia n te taromauri, a moangare ngkana e kateitea baina nakoia iaon te kawai, ao a tataro ma ana utu ngkana a roko ni katairiki.

N te Tabati, Anna e aki kona n tataninga ni kaota ana kunnikai ae boou nakoia mitinare. Ngkana e noria n te taromauri, e rairaki ni kawariia.

Titebo taraau ma ngkami ngkai!

Bon titebo raoi taraakim ma ngaira.

Ao ko aki ti taraaki n ai aekakin te mitinare; ngkoe bon te mitinare!

Tinam e tuangai bwa ko a tia n tataro ibukira inanon te wiiki n aron are ti butiko bwa ko na karaoia. Ao taraia! Iai ae ti kairia nakon te taromauri n te bong aei. Am tataro a tia ni buokira.

Ko rabwa, te mitinare ae Anna.