Ana Boki Moomon e Reiakina taekan Iesu Kristo

Te O Tetemanti e tuangira taekan Iesu Kristo imwain ae E roko ni maeka i aon te aba. E aranaki bwa Iehova. Te O Tetemanti e tuangira taekaia aomata are a irira Iehova.

Te Nu Tetementi bon te boki mani koroboki aika a tabu are a taekina maiun Iesu i aon te aba. Ana reirei a korea rongorongon maiuna ao Ana anga reirei.

Ana Boki Moomon e reiakina naba taekan Iesu Kristo ao aomata ake a Iriria.

Ana Boki Moomon e moanaki i Ierutarem n tain te O Tetemanti, e kaaniia 600 te ririki imwain bungiakin Iesu. E taekinna bwa e kanga te burabeti ae Riaai ao ana utu ni kitana Ierutarem ao ni kairaki nakon te aba ni berita, ae raroa rinanon marawa n te Aonaba ae Boou.

Taian burabeti n ana Boki Moomon a reiakinna bwa Iesu e na roko nako aon te aba. A reiakinna naba bwa te rairannano ao irirakin Iesu Kristo e na uota te kakukurei.

Imwin taurakin ao mangautin Iesu i Ierutarem, E kawara te Aonaba ae Boou n reireinia aomata. E taetaekina taekan te bwabetito, te toa, ao arora n tangiria aomata. E katea te ekaretia ma tengaun ma uoman Abotoro. E bootia ataei ao e kakabwaiaia, n aron are e karaoia n te Nu Tetemanti.

N aiaroia burabeti n te Baibara, burabeti n ana Boki Moomon a tibwauai aia kakoaua ibukin Iesu Kristo.

Te kabanea ni burabeti n ana Boki Moomon bon Moronai, are e maeka ni kaaniia 400 te ririki imwin kawaran te Aonaba ae Boou iroun Iesu. Imwain matena, e koreia Moronai bwa aomata nako ake a wareka ana Booki Moomon a kona n ataia bwa e koaua ngkana neienne ke teuanne e tataro inanon te onimaki. Moronai e kaoia aomata nako bwa a na “nakomai nakon Kristo” (Moronai 10:32).

Ataei n te bong aei a kona naba n tataro ni karekea te koaua bwa ana Boki Moomon e boni koaua ao Iesu Kristo bon te Tia Kamaiu.