Aomata aika Itiaki n te United Kingdom, Brazil a Ira te Bong n Ibuobuoki

N te Moanibong, Tebetembwa 5, 2011, membwa man 11 titeiki iaon England, n airi ma te Beretitenti n te Aono Beretitenti Erich W. Kopischke man te Itingaun, a ikotaki n te karikirake are Baai n Ibuoboki n te Tottenham Marshes.

Te waaki aei e aki ti kauringa ana 75 n ririki ana warebea te Ekaretia ma e manga katanoata ana Bong ni Kaitiaki London n 2011. Inanon nimaua te aoa, membwa—n reitaki ma ana aobiti te meia—korouteute, katei beera n uee, korokai, koroi aroka aika ririeta, kanakoi maange man te Lee Valley Park.

N te bong naba anne membwa n aonon London tabeua a ikotaki n te karikirake are Baai N Ibuobuoki i Haven House Children’s Hospice ao Richard House Children’s Hospice.

N te Richard House, 18 membwa n te Stratford Uoote a beenia te aobiti, kouteute, korei aroka, iaakina aontano, karaoi bwaai n mwakuri. Aio ai tibwa ana tai n reitaki te hospice ma te Ekaretia, e taku Charlotte Illera, te manatia n te karikirake ibukin mwakuri ni karikirake n Richard House.

“I riingaki n aroia taan anganano ni karaoan tabeia ma te ingaingannano ao te kukurei,” e taku neiei. “Aron karaoan te mwakuri ae taean te kawai e karaoaki nakon te kabanea n tamaroa.”

Inanon namwakaina aika tia n nako, membwa n te Ekaretia i Great Britain ao Northern Ireland a tia n ikotaki n irii tatin mwaitin mwakuri ni karikirake rinanon aba nako.

N Turai 30, 2011, nangoa aika baboboo a taonanako te taratara ni mwakuri ni karikirake aika tebubua ni kabuta Brazil ni bukamaruan ana ka 12 n ririki te Moomon Mormon Helping Hands, ana burokuraem ana Ekaretia Iesu Kristo Ibukiia Aika Itiaki ni Boong Aika Kaitira are e anganga ibuobuoki nakoia aomata ao ibuobuoki inanon kanganga nakoia ake a kainnanoia.

Bain n Ibuobuoki te Moomon (Mãos que Ajudam) are e boboto i Brazil bwa te anga n irekereke ma rao ao kain rarikim ma ana mwakuri n ibuobuoki te Ekaretia. E a riki ngkai bwa te bukamaru ae bubura ni katoa ririki.

Te bong n ibuobuoki n te ririki aei e kaonaki n anene, ngarengare, ao uboubo irouia 120,000 mwaane, aine, ao ataei ake a iakinii kawai, kaitiaki reirei, karaoi kateitei aika uruaki, katikiraoi bwaake, ao irakin tabeua karikirake i aban Latin America ae te kabanea ni bubura, te kabanea ni kauaomata n aba. Membwa n te Ekaretia a ikotaki ma membwa n te kawa ni katauraoi ibuobuoki ake a na tekeraoi iai aomata ni kabane.

I Belo Horizonte, Recife, ao Bahia, e raka iaon 6,000 taan anganano ake a ririaki ni kauntaba butin te aoraki ae dengue fever. I Rio de Janeiro, taan anganano a kaitiaki taabo n reirei ao tienta n tararua. I Porto Alegre, 1,500 taan anganano a kaitiaki taabo n reirei, ao tabeman a angareirei iaon totokoan kabonganaakin turaki.

Uoua namwakaina imwain te bong ni kaitiaki, e raka iaon 500 taan anganano a rikoi amwarake, ake a tibwaki nakoia utu aika kainnano aika175 i São Jose n Turai 30.

Membwa n te Ekaretia i Blumenau a anga ae kaniia 300 pounds (136 kg) amwarake nakon Casa de Apoio às Crianças Portadoras de Mielomeningocele e Neoplasia (House in Support of Children ma Spina Bifida ao Neoplasia). Taan anganano a reirei naba aron kawakinan amwarake aika bebete nakon te bootaki.

“Taian tekiniki are ti reiakinna e na buokiira ni kawakin amwarake inanon ara kabwate, ngkai mwaitin kanara a buakaka n te aomwaimwai,” e taku te tia mwakuri Adriane J. Backes Ruoff.