I aki toki ni bwakamwane nakon te Riaona, ma ngke I aki bati ni kakaonimaki I aki warekia n angin te tai. N te bong teuana I kaitiaka te ruunibwai ao Ia kaitibo ma tabeua kaobi aika a maan. Ngke I tabe n rinanoi, e katikaki matau nakon teuana te karaki. Bon rongorongon te titita are e aki bati ni kakaonimaki inanon ririki aika a mwaiti ao akea nanona ni kan okira te aro. Ma te bitiobi ae ungannano e karekea nakoan neienne, ao e kanakoi kateina aika aki raoiroi ao e a oki. Te karaki aio iai mwiina ae korakora nakoiu—bon te moan mwaneka inanon okiu nakon ana waaki te Ekaretia. Ngkai, ririki ake imwina, te Riaona bon te bwai ni mwakuri ae moan te korakora inanon mwengara. Te kaetieti, kairiri, ao kakoaua n te maekatin e buokira ni katoabong.

Ngai te tina iroun te ataei ae uarereke, ao ni katoa tairiki imwain te nako ni matu I tangiria ni warekia nakoina karaki ibukiia ataei man te Riaona. Bon te kakabwaia naba nakoiu, bukina bwa I a tia n reiakinaki taekan Iesu Kristo, te Burabeti Iotebwa Timiti, te rau, te tataro, ao bwaai riki aika a mwaiti. Kateimatoa te mwakuri ae tamaroa.