Karekeia Raoraom ni kabuta te Betebeke

Ngke a katauraoia nako Tonga tabeman ataein te reirei ibukin te nakoa n neeti man te Iuniwetiri aeBrigham Young, a taku bwa e na boni kaunga ibukiia ataei mai Utah ao Tonga n riki bwa rao.

Ngaiare ataein te reirei a butia ataein te Buraimwaari n te Oak Hills Ninth Ward i Provo, Utah, ni korei tamnei ibukia ataei i Tonga. A rawei naba tamneia ataei.

Ngke a roko i Tonga, ataein te reirei n te nakoa n neeti a ibuobuoki ma tibwauan te tai n te Kateniua ni Uoote i Neiafu. A angania ataei n tatabemania nako taian korotamnei ao te tamnei ae raweaki mairoun te ataei mai Utah. Ataei a rangin kukurei ni kinaia riki raoraoia aika a boou i Utah.

Ataei aikai a korotamnei ibukia ataei i Utah. Tabeman mai ibuakoia a koroi rongorongoia i bon irouia ao aron te maiu i Tonga. Tabeua rongorongo a koreaki n te taetae ni Imatang ao tabeua n te taetae n Tonga. Aia beretitenti n te Buraimwari e korea te raitaeka n te taetae ni Imatang ibukin te rongorongo n Tonga. Ataein te reirei n te nakoa n neeti a rawei tamneia ataei.

Temanna te ataeinimwaane e koroboki, “I takakaro n te urakibi, ao Tonga e bon rangi n kabuebue.” E koroboki te ataeinaine, “I tangira tamneim. Ko rang n taraa n tikiraoi. I tangiria n anene, n aekakim.” Are temanna te ataei e korea taekan te Buraimwari ao ni kaota ana tangira: Au reirei n te bong aei bon taekaia burabeti. I rangin tangiriko!”