N te Rongorongo
Intanete ake Aroko nakon AutiniBotaki ni Kabuta te Aonaaba
Te Ekaretia e bairea karaoan te Intanete ae birimwaaka, ma karekean intanete ae kona n rineaki, tauraoi nakon te mwaiti ae 85 te betienti n autinibotaki ni kabuta te aonaaba.
Membwa a na kona ni karekei mwakuri n ana tabo te Ekaretia ao n karaoi rongorongon utu man aia autinibotaki, taan kairiiri n te Ekaretia a na kona ni karekei rekooti, karin beebwa ni bubuti ibukin te kan mitinare, ao n irii kataneiai n nakoa ni kairiiri n te kanakobwana; ao taan reirei a na kona ni kabonganai reirei iaon ana rain te Ekaretia ibukin raonakin aia reirei.
Te Ekaretia e Anga te Ibuobuoki n te Rongo i Africa Maeao
E raka iaon 11.5 mirion aomata i Maeaon Africa aika tangira te ibuoboki ae waekoa inuukan te rongo ae korakora, te Ekaretia e mwakuri ma botaki aika mwaiti n anga te ibuobuoki ni karekean te amwarake, bwainaoraki, bwaai ni kaitiaki, ao auti ni katantan.
Membwa a tangiria n ibuobuoki ma mwakuri ake a kona n anga nakon te mwane n ibuobuoki.
Mitinare aika boou n te Tabo ni Kataneiai a Kananaua aia Atatai n te MTC
Te mwakuri e waaki inanon Aokati 2011 e uoti rakan wiiki aika 12 wiiki ibukin kataneiakia mitinare are a tibwa kitana te tienta ni kataneiaia ibukiia mitianare.
Richard Heaton, tarekita n te Provo MTC, e kabwarabwara bwa te kataneiai n te tabo ni mitinare bon tiaki te burokuraem ae boou, ma reitan te kataneiai ibukiia mitinare are a karekea n te MTC.
“Moan wiiki aika 12 te boki n reirei e katerea nakoia taan kataneiai ao toaia mitinare aika a boou booki n reirei inanon Preach My Gospel ake a na rangi ni kainnanoi inanon aia moan wiiki ake 12,” e taku. “Bon mwaben te kawai nakon … te tauraoi raoi n riki bwa ana toro te Uea are e na kona ni waekoa n riki.”
Te beretitenti n te mition e waaki ni karaoi bwaai n reirei n te kataneiai ibukiia mitinare aika a boou—are e kairii beeba tabeua ni kataneiai ake teniua ao mwakoron witeo n raonakin kamatebwai aika boou—n te tai ae waekoa.