Faanuu i te ofaʻi
No roto mai i te « Haafatata i te Atua », Ensign e aore râ Liahona, Novema 2013, 105.
Te tamata ra te hoê tamaiti ia haamanina i te repo i muri mai i to’na fare ia ti‘a ia’na ia haʻuti i ta’na mau pereoo i reira. Te vai ra râ hoê ofa‘i rahi e faaapiapi ra i ta’na ohipa. Ua tura‘i teie tamaiti e ua huti ma to’na puai atoa. Tera râ, noa’tu to’na puai, aita te ofa‘i i ha’utiuti a‘e.
Ua hi‘o noa to’na metua tane maa taime te maoro. E ua haere maira i piha‘i iho i ta’na tamaiti e na ô atura, « titauhia ia faaʻohipa oe i to oe puai taatoa no te faanuu i te hoê ofa‘i mai teie te rahi ».
Pahono mai nei te tamaiti e, « ua faaʻohipa vau i to’u puai taatoa ! »
Faaafaro atura to’na metua tane ia’na e : « Aita. Aita oe i farii atura i ta’u tauturu ! »
Ua pi‘o amui a‘era raua i raro e ua faanuu ohie atura i te ofa‘i.
Te hinaaro nei te Fatu ia turuʻi tatou i ni‘a Ia’na no te pahono i to tatou mau fifi. Ei reira tatou e ite tamau noa ai i To’na here, ma te mana rahi a‘e, te maramarama rahi a‘e te mâtau rahi a‘e. E riro tatou i te tahoê Ia’na, e e riro roa tatou mai Ia’na ra te huru.