Ua riro te utuafare ei tumu no te opuaraa a te Metua i te Ao ra

E mea au na Misha e hamani i te tahi pare e teie mau taaai haʻuti (e Lego), i te tahi râ taime, e riri oia ia marua te reira i raro. I muri iho râ, ua haapii mai oia i te hoê rave‘a. Ia faarahi oia i te mau taaai haʻuti i te raroraa o ta’na pare, e mea pautuutu a‘e te niu o te pare. Ua faaoroma‘i e ua tamatamata noa ona, e, ua oti i teie nei ta’na mau pare, aita e topa haere noa.

Mai ta Misha i haapii ia patu i te mau pare pautuutu a‘e, e nehenehe ta tatou ia patu i te mau utuafare puai a‘e. E tuhaa faufaa rahi te utuafare i roto i te faanahoraa a te Metua i te Ao ra no tatou. Hou to tatou fanauraahia mai, i ora na tatou ei tamaiti varua e ei tamahine varua na te Metua i te Ao ra. I te taeraa te taime no tatou no te haere mai i ni‘a i te fenua nei, ua opua Oia ia haere mai tatou i roto i te hoê utuafare. Ua hinaaro Oia ia paruru to tatou utuafare ia tatou, ia haapii e ia tauturu ia tatou ia hoʻi Ia’na ra.

E nehenehe ta tatou ia ohipa no te horo‘a i te hoê niu pautuutu a‘e i to tatou utuafare. E nehenehe ta tatou e tamata ia tavini e ia tauturu te tahi i te tahi. E nehenehe ta tatou e faaroo e e paraparau marû te tahi i te tahi. E nehenehe ta tatou e pure e e tuatapapa amui i te mau papa‘iraa mo‘a. E nehenehe ta tatou e ohipa amui e e parahi amui i te tahi taime ma te rave i te tahi mau mea au. Na roto i te faaoroma‘iraa e te tamata-noa-raa, e nehenehe ta tatou e patu i te hoê utuafare puai a‘e.