Ko ha paionia nai au he ʻahó ni?
“ʻI heʻetau fakalāngilangiʻi ko ia e kau paionia ne nau lue lalo he ngaahi toafa tokaleleí ki he Teleʻa Sōlekí, ʻoku kei tokolahi pē mo ha kau paionia ʻoku moʻui he ʻahó ni. ʻOku ʻikai ke nau teke lalo ha ngaahi saliote, ka ʻoku lahi fau ha ngaahi founga ʻoku nau fai ai e meʻa tatau pē: Kuo nau ongona e leʻo ʻo e ʻEikí ʻi he Tohi ʻa Molomoná mo ʻenau ngaahi lotu fakatāutahá. Kuo nau hū atu he matapā ʻo e papitaisó ʻo fakafou ʻi heʻenau tuí mo e fakatomalá ʻo fokotuʻu maʻu honau vaʻé ʻi he kelekele moʻui ʻo e ongoongoleleí. ʻI heʻenau hoko ko e kau ākonga ʻa Kalaisí, kuo nau loto fiemālie ai ke feilaulau koeʻuhí ko e totonú mo e moʻoní. Pea ʻoku nau nofo maʻu ʻi honau hala ki he moʻui taʻengatá, ʻo fakafou ʻi he meʻafoaki ʻo e Laumālie Māʻoniʻoní.”
ʻEletā Neil L. Andersen ʻo e Kōlomu ʻo e Kau ʻAposetolo ʻe Toko Hongofulu Mā Uá, “Haʻu Kiate Ia,” Liahona, Mē 2009, 80.