Mateuteu kimuʻa Peá ke toki Lotú

ʻOku fakamanatu mai ʻe Palesiteni ʻAealingi ko e lotú “ko ha fetalanoaʻaki ʻi he vahaʻa ʻo e ʻOtuá mo ʻEne fānaú.” ʻE lava ke hoko e fetalanoaʻakí ʻi hono tuku ha taimi feʻunga ke teuteu ki heʻetau lotú. Te ke lava ʻo fakaʻaongaʻi hoʻo tohinoá ke tuku ha ngaahi miniti siʻi ko e teuteu ke lotu ʻi he ʻaho takitaha. Te ke lava ke hiki e ngaahi tāpuaki ʻokú ke loto ke fakamālō ai ki he Tamai Hēvaní, kakai ʻoku nau fie maʻu hoʻo ngaahi lotú, pea mo e ngaahi fehuʻi ʻokú ke fie maʻu ke talí. Pea fakaafeʻi e Laumālié ʻaki hono hivaʻi ha himi pe lau ha ngaahi veesi folofola. ʻI hoʻo lotú, tokanga ki he founga ʻo hono tataki koe ʻe he Laumālie Māʻoniʻoní ki he meʻa ke ke lea ʻakí, pea tokanga ki ho lotó mo e fakakaukaú (vakai, T&F 8:2–3). Fakakaukau ke ke hiki hoʻo ngaahi aʻusiá ʻi hoʻo tohinoá pea vakaiʻi e ngaahi tali ʻokú ke maʻú. Te ke lava ʻo fakaʻaongaʻi foki e ngaahi ʻekitivitī ʻi he peesi 95–97 ʻo e Malangaʻaki ʻEku Ongoongoleleí: Ko ha Fakahinohino ki he Ngāue Fakafaifekaú ke tokoniʻi koe ke vakaiʻi hoʻo ngaahi lotú pea ako ke fakatokangaʻi e Laumālie Māʻoniʻoní.